大B與小B

6月20日  星期三  晴天

好多謝各位嘅祝賀呀!!
睇到大家嘅留言, 我真的很開心,
眼淺的我看著看著也感動到眼濕濕了!

大少一連請咗四日"婚假",
呢兩日都出咗街玩, 還未有空整理相片呢!
在post我地註冊當天嘅相出來之前,
先來睇睇一D過癮照片...

咁啱我表姐和她四嵗的女兒從星加坡回港, 順道出席我嘅婚宴.
呢一晚還是兔寶寶第一次見她表姐仔.
由於她們到達酒樓時我忙於打麻雀,
所以miss咗兩個B剛碰面的情境....
只係知道後來吃晚飯的時候, 兔寶寶一見表姐仔,
就即刻喊起來, 行都唔肯行埋去,
一反佢天不怕, 地不怕嘅性格...
睇返D相, 原來..........

兔寶寶: 我係淑女, 唔好掂我!!!

************************************

大小兩B剛剛見面:

兔寶寶: 你做乜坐咗我架BB車呀??


呢個時候表姐仔好好奇咁摸摸兔寶寶塊面,
摸完一下又一下, 呢個時候兔寶寶已經唔多滿意了~
因為佢唔多喜歡人攪佢塊面同佢D頭髮...

接著表姐仔坐定定食"BB甘大支", 請留意兔寶寶視線....

兔寶寶: 點解我無份食嘅?

其實我表姐係有問過我兔寶寶食唔食得"BB甘大支",
平時我就會俾兔寶寶食吓嘅,
果日我怕佢食到論論盡盡整污糟件衫,
所以就無俾佢吃了...

你睇兔寶寶望住支甘大支個樣, 恨食到....

呢個時候, 表姐仔又再摸兔寶寶塊面...
有得食就話姐, 無份食, 真係天王都唔俾面,
即刻黑面俾你睇...


黑面都唔夠, 再整D古靈精怪表情出來,
發揮動物最原始嘅自衛機制,
話俾全世界人知: "我係生人勿近架, 唔好摸我!"

你摸我?! 我發功!

仲摸?! 我再發功!!