和呀婆到Amour Cafe吃Tea

10月26日  星期五  陰天

上個星期日, 呀婆去完粉嶺探朋友之後,
出咗嚟探兔寶寶.

其實呢一日嘅上晝, 大少帶咗BB出去同哥哥姐姐打羽毛球架,
呀婆嚟到剛好接力下一場,
時時刻刻都有野玩, 難怪兔寶寶心情靚到爆.

雖然大少同我講兔寶寶係食咗LUNCH,
不過我都係唔放心,
呀B可能食兩啖就掛住同哥哥姐姐玩唔食.
所以同呀婆接返兔寶寶之後, 我地去咗搵野食呀!

帶咗呀婆去Amour Cafe,
話就話係CAFE, 不過裝修同茶餐廳無分別,
甚至新潮少少嘅茶餐廳都靚過佢.
不過呢, 呢度又真係供應Cafe嘅食物,
例如多種咖啡、蛋糕、意粉咁.

午餐送埋甜品, 都係四十幾蚊起, 好抵食.

我地叫茶餐.

叫咗一個黑椒雞肉意粉配熱奶茶.
呢個係炒意粉, 真係即叫即炒的,
成個餐都係廿幾蚊, 真係超值.

另外叫咗芝士餅餐, 一份有兩件小小的芝士餅,
再加埋餐飲熱好立克.
芝士餅味道正正常常, 不過杯好立克就無乜好立克味.
呢個茶餐只係三十二蚊.

跟餐加8蚊叫多個吉士蛋.
呢個甜品好好食呀!
可能本身我都鍾意食吉士布甸啦!
呵呵, 兔寶寶唔食蒸蛋燉蛋之類的東西, 甜的咸的都不吃,
益晒我.

呢餐埋單都係七十蚊, 就食到D唔係成日食到嘅野喇!
唔知離開咗佐敦區, 仲會唔會有D咁荀嘅餐廳呢?!


食飽飽, 兔寶寶由呀婆拖住,
招招積積咁响條街行;
一面行仲一面搖頭擺腦咁整蠱做怪,
拖住佢果個就辛苦囉, 難得呀婆仲笑騎騎.

呀婆雖然趕住返入屯門, 但都帶呀B去公園玩一陣.
一入到公園, 兔寶寶就指示要我抱佢去騎她最鍾意的大象.

一少一老玩得好開心~~~