唔知兔寶寶係咪知道尋晚八号風球,
興奮到瞓唔著, 到個波落咗四點半先肯瞓,
我真係俾佢玩謝呀!
星期一果日打算返屯門娘家,
我都好耐無返去了, 因為我媽住唐6樓(頂層),
要等埋呀哥放工幫我地抬BB車,
大少就負責抱BB, 而我就拎其他一袋二袋雜物,
都幾大工程架!
响樓下麥當奴等舅父放工, 等到打"喊路"....
第一次嚟到, 先帶兔寶寶參觀下媽咪以前間房,
其實我已經無响度住差不多10年了...
今次公公都响度, 真真正正人齊影全家幅....
舅父你唔好當兔寶寶係啞鈴喎!
晚上去咗呀媽屋企嘅富臨酒樓吃飯..
就返公公早食飯, 其實我地連晏晝果餐都未落格呢!
叫咗四餸一湯, 有個冬瓜盅無影...
特價龍蝦兩隻七十幾蚊...
大少要嘅豬手, 又係七十幾蚊...
清蒸多寶魚, 好細條, $108,
兔寶寶晏晝食白飯食飽咗咋!
唔係佢一個都可以KO條魚...
仲有個上湯浸腐竹菜苗...
加兩個白飯, 一榨西瓜汁, 埋單五百五十蚊.
兔寶寶怕生, 幸好臨尾都肯俾公公抱下, 都算佢識做啦!
下次要多D笑容喇!
食完飯一齊行去西鐵站, 途中見到四隻"wrong wrong"...
有大隻舅父响度,
就算同四隻wrong wrong近距離接觸都唔怕啦!
可惜四隻狗狗似乎唔多SO兔寶寶,
實行呀賓叫狗, 愈叫愈走, 好無癮呀!
經過呢一日嘅活動兔寶寶有幾攰呢? 睇下就知道了..
沒有留言:
張貼留言