3月7日 星期一
尋日大少放假, 好開心.....
一 早就去咗化驗所陪大少做多一次body check...大少之前發現自己尿頻, 成日話買咩藥咩藥食. 萬寧而家有好多promotor, 見你搵藥就sell你呢樣果樣. 果D中成藥, 我覺得用嚟強身健體就得姐, 點醫人呀~~ 唔俾佢買又好似唔錫佢咁....明知無用都由得佢買..結果緊係無用啦~
跟住佢走佢搵中醫.........大佬呀!唔係我人云亦云, 而係要睇都睇個多人少少等嘅醫生啦, 起碼信譽好D, 有D保証....大少係行行吓街自己走入去睇, 蚊都蚊唔住....我見個所謂中醫師原本正在刨馬經...見我地行入嚟, 即刻E起佢排煙屎牙, 對住大少笑....
把脈之後佢話大少"濕", 所以尿頻, 要飲藥去濕, 兩劑承惠$280蚊. 佢仲拍心口話兩劑保証見效tim~
唔係掛...10蚊唔洗可以執包去濕茶啦, 佢竟然要收$280蚊!! 不過都好, 起碼我知果包係去濕茶, 唔會食死大少, 至多痾姐......
唔俾大少嘗試佢諗嘅方法佢會唔服氣嫁...飲完兩日, 結果, 緊係無用啦.....
咁啱有日同大少睇新聞講話而家前列腺癌係香港男士殺手之一, 其中一個病徵就係尿頻....大少睇到面都青埋, 野都唔食, 我就知係時侯要做D野, 否則佢繼續估估吓又唔睇醫生都唔係辦法...... 咁我咪上網search吓有關前列腺癌嘅野囉.....
以 大少嘅病徵計, 應該唔係cancer, 但我唔係醫生嘛! 上網俾我知道尿頻應該睇泌尿科, 而且家計會有得check, 平過出面少少.....咁我咪幫大少做網上預約囉! 我都有同大少講: check清楚少少, 當普通body check都好, 又唔係貴, 新症不過兩舊水....(當然我唔會講要check其他野另外計啦! 免得節外生枝大少扭扭擰擰....
), 大少都同意嫁~ 點知家計會打俾大少跟進預約嘅日子嘅時候.....佢竟然話唔需要之後cut線! 好在我咁啱聽到....... 原來D男人怕睇醫生竟然怕到去呢個地步! 怪不得以前讀population嘅時侯話諱疾忌醫係老年女性比老年男性多嘅原因之一! 最後大少當然抵受唔住我日哦夜哦, 死死地氣咁去見醫生啦.........
家 計會嘅醫生寮咗醫生紙俾大少响出面D註冊藥房買藥食......佢食咗唔夠一個星期, 尿頻就得到改善. 真係要讚一讚家計會, 一D佢地果度無嘅化驗檢查, 佢地會先收晒錢, 再安排你去出面指定嘅化驗所度做........否則, 相信好多男士會好似大少咁, 見自己食咗藥好返就算, 唔會治本嫁喇!!
做完body check, 去咗呢度食:
http://www.openrice.com/restaurant/sr2.htm?shopid=5807
唔記得影相呀~ 大少鍾意食呢度D炸豬扒同胡椒豬肚湯嫁.......
之後我地去咗金魚街睇魚同狗仔.......仲有收穫tim 呀~
行到好累好累, 晚上去咗花園街街市到食:
呢間野超好鑊氣, 個肥佬大廚拋到隻鑊"逢逢聲", 好犀利~
叫咗:
金牌小炒皇
送啤酒一流, 不過我地空口食就有D咸喇~~
粟米斑塊
椒鹽鮮魷
超正!!!!!! 10個good呀~~
清場:
多謝大少158蚊!!
之後返屋企處理我地嘅收穫喇:
係龍蝦仔呀~ 買嘅時候紅色嫁， 返到屋企變咗灰灰地。。。。
其實仲有四條魚仔, 不過原來隻龍蝦會挾D魚仔, 我地就'畢'起咗D魚仔去另一個水桶度養ＬＵ！
大少話隻龍蝦係我個伴喎～～
到晚上十二點幾， 大少又撩咗我出去食消夜喇：
又係滑牛粥！
加牛腸！
就係咁， 完咗大少一日假期ＬＵ！！
沒有留言:
張貼留言