尋日好開心呀, 呀媽同呀哥下午嚟一個surprise預祝兔寶寶100日生日呢!! D蛋糕就係呀哥買上嚟俾兔寶寶食架喇!! Heehee...兔寶寶未食得蛋糕住....等媽咪幫你食咗佢!!
呀媽上到嚟第一件事俾利是兔寶寶,
本來兔寶寶拎住封利是架!!
BB就真係BB, 攞個鐺鐺响佢面前搖兩搖,
佢就想伸手過去玩個鐺鐺, 丟低張利是了....
因為大少都係啱啱瞓醒而晏D又要趕返工, 所以要幫兔寶寶沖涼先!!
又有出浴照睇喇!!
平時好鍾意洗白白嘅兔寶寶唔知做乜沖沖吓涼喊...
呢張相, 好過癮~~
之後就食蛋糕喇, D蛋糕係响elements間chez Shibata度買, 想試多D款式, 所以買散餅, 一人分D食, 款款都可以試呢!!
A. 款係"紅桑梅心型蛋糕", 外型好靚呢!!
入面係慕絲來的, 帶有少少果肉, 唔單止靚仲好好味呀~~
B. 款叫La Venus, 係朱古力慕絲, 亦都係咁多款之中最好食嘅,
D朱古力味好濃, 又唔會好甜, 入面仲有一粒粒嘅朱古力...
C. 款叫Pray for Japan, 係白朱古力慕絲, 比較特別係有開心果打成嘅mosses响底,
我覺得係第二好味嘅!
D. 款係Macaron Emotion, 上面係士多啤梨mosses, 下面係macaroon夾住士多啤梨,
呢款麻麻地, 因為個macaroon淋咗...
上面三角型果舊係"半熟芝士蛋糕", 起初食覺得佢唔夠芝士味, 但係愈食愈香滑...
長條型果舊係"鹽味焦糖泡夫", 上面果三粒係牛油. D焦糖都好好味, 但係同Macaron Emotion一樣, 缺點係個泡夫淋咗少少, 同埋我最後食佢, 所以佢係最低評分..
食完蛋糕, 呀哥話佢仲未飽喎! 咁就出去搵野食啦! 不過大少要返工喇!
我想食pizza, 所以去咗附近嘅"合一咖啡屋", 呢間野我大肚前成日同大少去架!
都好耐無去了...
煙三文魚pizza: 我最鍾意薄pizza, 唔會好似食麵包咁...呢度Dpizza, 好食過spaghetti house果D...
菠蘿雞肉夾餅: 上面同pizza差不多, 下面個底係薄薄嘅酥餅.
香草忌廉什菌天使麵: 好好味呀!! D忌廉汁味道好濃郁呀!!
由於我地去嘅時侯未到六點, 個天使麵同夾餅係下午茶嚟, 可以跟餐飲或者湯.
我叫咗個青豆忌廉湯, 呀哥要咖啡...不過無影相...
呢餐, 又係呀哥請!!
Heehee...呀哥有睇我個blog架!! 多謝呀哥!!
之後行咗一陣去搵一間賣行山用品嘅鋪頭就返屋企喇!!
佢地仲同BB玩咗陣先走!!
兔寶寶瞓夠食夠就不停咁講野同對住婆婆笑!
氹得人好開心!!
不過, 我呀哥攪咩, 影埋兔寶寶咁多古怪表情?!
沒有留言:
張貼留言