十月份記事

11月4日 星期三  晴天

又一個月無寫blog了.

今次要一次過寫返十月做過D乜同玩過D乜, 

有心理準備內容會好長!!

月頭去咗盛八, 

用coupon團購去食好抵!

原來佢地有兒童餐, 

哈, 我估對小朋友來講最重要係杯橙汁同啫喱糖!

再叫多一份蛋包飯加沙律, 

一大一細食已經好足夠喇~

某日週未兔爸爸同我地去飲茶.

臨走行經魚缸竟然有條大鱔走甩咗!

兔寶寶十分興奮呢!

兩父女合演一場活捉鱔記~

捉完鱔去玩搖泡泡~

當日下午, 我帶咗兔寶寶去行吓街...
其實個個週未都係咁, 
大前題係呀B升上K2之後工課多了很多, 
平時星期一至星期四基本上都唔會點出街, 
等我放工接埋呀B放咗學之後連超市都趕唔切去就要返屋企沖涼做功課!
如果我要開會趕唔切七點前接佢, 
就要襯早打俾學校安排埋晚飯和做功課!

小朋友在學校, 不論吃飯和做功課都會快一點!

只是我覺得如果樣樣野都留俾學校幫你去睇住小朋友做, 

咁就有點兒那個了....

兔寶寶是個乖孩子, 

做功課都算自動自覺, 

最多會話做咗自己鍾意果樣先...

而且會自動擦咗寫得唔靚嘅再寫過...

買咗好幾張屋企附近雪糕店嘅團購卷,

但呀B一返學就咳咳咳...

差不多過期都未用晒, 

要快D食喇...

食得太多, 由初初覺得好好食,

整整下覺得好難食....同埋...

呀B係鍾意食雪糕車多D囉 ^__^

最後一杯...終於食晒, 

亦試勻晒佢所有配料...

結論...都係配招牌蜂巢最好食.

同場附上呀B的圖工一張.

另一週五晚, 去超市時試吃棗子一粒..

某週六, 得知以前成日去的動漫基地有鋼琴玩, 

專登行去灣仔...

雖然呀B成日話好想學琴, 

但我打算就算俾佢學...都等佢再大D手指仔靈活D先.

彈完琴又去灣仔公園, 

玩完再去波士頓餐廳, 

兩母女抄撐枱腳~

十月喎, 點少得萬勝節呢!

小朋友最開心, 可以扮鬼扮馬.

有一個週未去咗皇室堡扮嘉菲貓...

呀B拎住個南瓜燈籠, 好鬼可愛!

其實仲有得扮嘉菲貓嘅好朋友...呀的,

於是之後一日, 我地又去皇室堡.....

扮呀的!

不過呀婆就話兔寶寶扮嘉菲貓個樣開心D喎!

影完先醒起..工作人員無俾一個"呀的"手袋兔寶寶拎住做道具,

諗起時已太遲了! 

可能係咁呀B欠缺咗D笑容掛!

十月份仲有H記雙球雪糕買一送一活動, 

平時嫌貴唔捨得食, 今次可以食夠佢!

不過因為呀B咳咳咳, 我地只係幫襯過一次咋!

又某個週未, 帶呀B去公園時巧遇同學仔...

有人一齊玩開心好多!

重陽節假期, 同兔爸爸去咗動植物公園打個轉..

真係打個轉咋! 

行咗一個鐘頭左右食個簡單嘅LUNCH,

就同大少分道揚鑣, 

佢返屋企再瞓, 而我地就繼續行...

行公園行到熱辣辣, 所以我地食完LUNCH之後,

又係食雪糕...

今次試咗人地話係全香港最好食嘅乳酪雪糕...

係幾好食嘅...不過真係幾貴, 

食一杯我當同兔寶寶兩個去食一餐快餐了.

食完雪糕, 去咗商場同NIKE攪嘅活動, 

兩母女合力跑一次三百米嘅跑步機一次(即係下圖綠色果部), 

玩完部機會顯示返預定嘅勵志句子,

我就揀咗: 永不放棄 喇!

之後參加抽獎, 得到種子卡一張, 可以撕碎來種植的!

十月尾某週五, 咁啱我果日要响會展做野, 

早咗接呀B放學, 兩母女可以返屋企換件衫先行街街...

食完返..見有靚姐姐派碟, 話有甜品食喎~

好彩之後果日係短週, 

條隊唔長, 但就要等好耐先入去!

一路等一路睇兩位MODEL跳住舞分餅..

因為等得耐, 我同排後面位女仕都發現, 

可能係為了美觀的關係...

兩位MODEL每次都只會把一整個的cherry pie切出兩件就換另一個...

一整個批切六件咁計..即係有四件變成廚餘...

咁咪好嘥?! 

原來可以俾客人食埋先走!

怪不得要等咁耐啦~

仲有, 下面照片係剛剛過咗嘅星期日, 

去維園賣物會影的.

雖然係十一月嘅事, 

但因新鮮滾熱辣, 寫埋出來.

呢日好開心, 用平價買咗好多野...

相信呀B長大都會同我一樣, 

對賣物會有深刻的回憶了~~

呢日仲玩咗跳彈床.

隨住十月嘅過去...呀B已經四嵗半了, 

記得之前果次睇呀B跳彈床仲係扶到實一實唔敢跳,

今次唔單止好開心, 仲可以爬上吹條滑梯再SIR返落嚟...

又試做HENNA..

預咗今個星期會凍..要著外套返學...

紋手臂都唔怕~

又玩了各式攤位...同買咗好多野...

拎到拎唔到先肯收手...

呀B就要釣埋魚先走...

又做善事, 又有平野賣, 

開心又好玩. .