萬勝節派對

11月1日  星期六  晴天

尋日Halloween,

兔寶寶早在上週日就已參加了Playgroup所攪的萬勝節派對了.

一到場, 有face painting時間,

兔寶寶選了畫花花~

真要讚一讚負責老師呀!

在場有廿十多位小朋友, 

每個都要畫, 

老師手勢好又夠耐性~ 

現場都幾堒亂架, 

咁多個人仔一齊, 

開party嘛, 至在開心, 所以都無乜秩序可言喇~

好快去到食野時間, 

學校準備咗一D啱小朋友食嘅食物, 

好似提子、啫喱、菠蘿腸、布甸等等, 

因為分批吃, 所以各小朋友都食得好規矩.

亦有做手工環節, 

同埋家長一齊參予嘅遊戲節目, 

叫小朋友用廁紙把家長扎成一隻木乃伊-_-

 

呢個party係俾之前讀過playgroup嘅畢業生參加嘅, 

最後係所有i-ready畢業生一齊同老師影大合照.

兔寶寶好鍾意呢位外藉老師, 

我問佢想返呢個老師果度學phonics吖?

定係想學芭蕾舞多D?!

我以為佢一定係答我要去學芭蕾舞, 

點知佢諗咗一陣, 竟然答: 

"我想學多D野呀!! 學多D好唔好?!"

睇嚟我同大少真係要加把勁搵多D先得喇~

玩咗兩個鍾頭, 之後去page one打陣書釘, 

慣咗返學有晏覺瞓嘅兔寶寶,

到食飯時就疲態盡現了~