零食

5月23日  星期五  雨天

以前好鍾意食零食, 

朱古力糖果薯片餅乾樣樣啱.

自從兔寶寶懂得討吃開始, 

我就減少了吃零食.

唔係唔食, 

但只會在呀B"看不見"的情況下偷吃...

平日兔寶寶也不多機會吃零咀, 

日間時間最多可以分吃一粒半粒果汁糖..

撇除零食無益之外, 

理由是小朋友必需要吃的食物太多了, 

又要水果又要食足夠的菜和肉, 

實在無胃納迎接零食.

不過我並不會完全導絕零食, 

週未晚上, 

假如整週兔寶寶吃東西的表現良好, 

我會在晚餐後分些甜品零食給她.

因為佢已經食飽, 

點食都唔會食到幾多, 

好多時LAM兩下雪糕已經俾返我, 

俾成包薯片佢都係食一兩塊~

呢排佢有D流鼻水作感冒, 

都唔敢俾熱氣野佢食...

尋日大少放假, 竟然拎包薯片來引呀B..

為的是問一句, 

你鍾意Daddy同D定媽咪多D呀?

兔寶寶慣性答"媽咪多D"...

但薯片在前, 

被避要答..鍾意daddy多D囉~

(已經叫住話呀B唔食得, 但大少依然俾佢食, 

你話激唔激C人)

 

有時真係好想扭大少耳仔.

 兔寶寶好得戚咁食完塊薯片後, 

大少又舉起塊朱古力問我係乜野嚟?!

咁即係明引兔寶寶姐!

之後大少又响兔寶寶面前食勁辣紫菜, 

兔寶寶無份,,

但見佢平時食野都唔差, 

就分了塊唔辣的俾佢.

一大塊咸咸的, 

雖然係好好食, 結果都係咬兩啖影幅相就俾返我!

 所以平時小朋友習慣食得清淡好重要, 

佢地慣咗淡口味, 

零食都唔會食得多!

 

尋日煲飯時順手整咗兜低糖燉蛋, 

(即係甜嘅蒸水蛋啦!)

兩母女一人一隻匙分吃...

吃到尾果陣, 我就拎起隻兜諗住自己食埋佢...

兔寶寶即刻大叫: share! share! share!

為我拎起獨食作抗議!

佢宜家好鍾意講share呢個字, 

我去toilet時佢會走入來同我講share..

呀女...得一個廁所點同你share呀?

等我去完先到你啦!