中呀中, 快搶中

3月7日  星期五  陰天

今個月開始兔寶寶日日都要返兩個小時playgroup.

等佢習慣吓返學.

尋日大少放假, 

都要等佢放學後先去街街~~

呀B好鍾意返學, 

一去到學校附近就跑過去, 

仲主動同我講bye bye添~

我在課室外都瞧見佢上堂好專心好主動, 

可能係咁, 一落堂佢就好攰好眼瞓!

放學後搭巴士去北角, 

上車無幾耐就响樹中..

睇片見大少懶好咁走埋去搭住個女, 

其實..

我一放低部機佢就即時鬆人去打機!

兔寶寶, 你長大後唔好俾條片呃咗呀~

落車瞓醒, 先去上次嘅上海小店醫肚.

唔記得帶水壺, 店內只供應滾水, 

於是兔寶寶就博命飲豆漿.

今次有下午茶供應.

大少要担担麵, 中辣.

上海人嘅辣, 係一點都不辣的, 

下次叫大辣都得.

跟餐有豆漿和小吃一份,

選了鹵豬脷.

 

上面份下午茶餐都三十幾蚊, 

反正無乜野啱我食, 

就加多幾蚊散叫鱔糊湯麵好了.

今次D鱔糊好無食呢?!

唔知呀! 因為我係食芽菜湯麵咋!

D鱔俾兔寶寶食晒!

食完自己碗果D, 自己夾出面果D...

我忍你! 

因為鱔糊汁加芽菜撈埋個麵都好好食!

 

食完野行多兩行, 

又去食豆腐花和釀豆腐, 

各來雙份.

經過bread talk, 

走入去兜個圈(睇人地D麵包是我嗜好之一)..

呀B又嚷著要吃熊貓包..

食得又瞓得, 

咪快高長大囉~