人細衫大

3月5日  星期三  晴天

 

兔寶寶呢期認真快高長大, 

除咗個肚DUM愈來愈膨脹之外, 

仲有標高咗好多.

前一排睇哥哥仔仲係高佢少少, 

呢個月兔寶寶已經迎頭趕上了.

佢有幾高呢?!

就係去任何地方, 

D人都會估佢有三嵗幾四嵗!

連playgroup幾個老師都話佢身型似一個四嵗小童!

 

兔寶寶有好多衫都係執二灘的.

除了執已讀小一的表哥仔二灘外, 

久不久大少的一個朋友就會把佢囡囡下季唔啱著嘅衫拎來.

而那位小女孩呢, 就快五嵗了.

之前執嘅衫都係剛剛好, 

近期就發覺D衫愈整愈短...和窄!

反而表哥仔拎來, 鬼佬碼啱四嵗小朋友嘅褲係啱啱好!

臨瞓前穿嘅長袍亦變得掹掹緊.

因為佢慣性"褲被",

所以我幫兔寶寶穿上我的上衣, 

以防件衫太短而瞓瞓吓突肚~

兔寶寶著咗我件衫好開心, 

因為佢成日都抆住我著緊嘅衫話要著...

另一晚, 拎條長D嘅裙俾佢.

可以當睡袍之餘,

兔寶寶亦當佢係"公主裙"~ 

睇。路。呀! 

公。主!!!!

熄燈前公主例必與王子卿卿我我一番才肯去睡, 

要我呢個攝石影人大動肝火~