聖誕節行工展會

12月26日  星期四  晴天

尋日聖誕節撞正大少放假, 

於是約埋朋友一齊去行工展會.

往年我地都係食埋LUNCH先去行, 

夜晚又一定BOOK晒位食飯, 

攪到見到美食雖多, 但肚子吃不下.

今年我地賴醒唔食LUNCH就去, 

諗住入去食呀食, 可以嘅話連晚餐都响入面解決...

點知忘記咗之前係平日去, 人唔係太多;

今次紅日加上係聖誕節正日, 現場超多人,

多人到根本唔想行!

廠商會80週年蛋糕呢個位, 

算係無乜人架喇!

鬼咁肚餓, 

一入場就搵美食區!

行過去都用咗二十分鐘!

响鴻星呢度買咗蘿蔔牛腩同辣酒煮花螺, 

又响唔知邊檔買了糯米飯和豆腐花...

除了豆腐花吃得過外, 

全部都係唔好食的!

D螺好似未溶好雪就放入去煮咁, 

不單不入味, 而且仲有一大陣雪味.

美食區迫換人,

有D人圍住垃圾車就食, 

好彩嘅就霸到張枱仔, 一樣係"立食".

幸好我地帶咗BB車, 

兔寶寶先可以叫做有得坐有枱用咁食...

唔係唔想走去前面影相, 

而係迫到我行唔到去前面, 只可影呀B個背脊!

 

阿菠蘿雪糕唔係响美食區內, 

算係少D人, 不過都要排一陣隧!

野食食得唔太飽, 食雪糕醫肚!

太多人之下我地都無四圍行喇, 

睇地圖去買咗D湯包、乾貨同小朋友嘅底衫褲就走!

前後行咗兩個幾鐘, 臨走前見到聖誕老人派潤喉糖.

 兔寶寶見到即刻衝埋去, 

估吓佢做乜?!

原來佢衝埋去對住聖誕老人唱"晶bells bells"!

一面抱住佢影相, 佢都要一面唱...

唔知呢位聖誕老人, 聽唔聽得明我個女唱緊佢首歌呢?!

 去完工展會返屋企放低D貨物, 

晚上又係去潮燒食.

專登俾兔寶寶响屋企食埋飯先去, 

等佢唔洗食薯條飲汽水飽.

怕佢坐著無聊, 

把出奇蛋放入膠袋後打個死結, 

等佢自己慢慢解結.

呀B都算擦得, 

响屋企食完大大碗飯都仲食得落野~

甜品?!

更加唔會飽啦, 有另一個胃裝架嘛!

 

呢間鋪頭都算係咁, 

無襯火打刧, 

聖誕節正日都係比平日加多三十蚊.

但當日我地七點鐘去都仲有位, 

希望店子繼續做得住啦!