放假一天

10月3日 星期四  晴天

尋日大少放假, 

兔寶寶前一日無午睡, 一早就瞓, 

四五點叫醒我話要食麵麵, 

食完野玩到成八點幾先再瞓..

瞓醒已經係下午十二點幾, 

快D起身, 我地約咗同爺爺嫲嫲飲茶呀!

叫到成枱都係野食..

煎推仔係最後先叫的, 

兔寶寶見到, 

明明食飽都指住要, 話係"波波"...

結果LAM咗一下就唔食, 

要媽咪執手尾.

飲完茶, 走落銅鑼灣行下.
上個禮拜都有經過呢個攝影展, 
今次有人同我地影相...

同我地影相嘅, 

當然唔係專業攝影師啦!

影十張得兩張無鬆郁矇...

之後行去宜家買雪糕同肉丸食.

有人變咗鬍鬚佬.

走入皇室堡, 

見到鬼太郎, 

兔寶寶見到架巴士就不停叫bus, bus, bus...

坐响入面唔肯走.

氹咗佢好耐先肯走出來同卡通人物影相,

影完兩張又騰返入架巴士入面...

坐咗架巴士唔知幾耐, 

先肯行上樓上冒險樂園...

見到呢度門仔, 

兔寶寶立刻彎腰"捐"入去...

其實你唔彎腰都過到架!

你以為自己真係好高咩?!

行上去玩具反斗城, 响門口出面見紙牌公仔, 

又攝過頭入去影相...

响果度行咗好耐, 就行去公園喇~

呀B你唔好嚇走晒D鴿啦~

玩到差不多天黑, 

兔寶寶明顯很累了, 

要DADDY抱住, 保証行一陣就瞓著.

臨瞓前影返張相留念啦~