晚餐。嫲嫲煮

10月4日 星期五  晴天

續: 放假一天

兔寶寶果然不出所料抱住一陣就瞓著咗..
於是我地就改乘的士前往嫲嫲家...
比步行快了很多, 到達時餸菜仲未煮好.
本來想借頭借路入廚房偷下師,
點知俾嫲嫲趕了出來...
偷師無望, 就影吓兩父女.

 

大少忙著打機, 而兔寶寶就掛住開隻出奇蛋.

日頭呀B坐緊鬼太郎巴士果陣我等得不耐煩, (可想而知佢坐咗幾耐?!)

叫大少睇住佢, 我走落樓下超市買水.

見到出奇蛋, 估計都會有D用..

結果真係要出動佢來引兔寶寶離開公園.

當然我地係唔會幫佢開的, 

直到今日見佢樣樣野都乖乖地先幫佢開...

不過就算唔開都夠佢"當係寶"好一陣子了.

好快, 有野食喇~

先係煄蹄.

荀絲炒肉絲...

呢碟我同兔寶寶都很喜愛.

瑤柱蛋餃...

D蛋皮真係好薄呀~ 

嫲嫲好功夫!

蒸倉魚.

白灼蝦.

全家幅..

仲有青紅蘿蔔湯無影獨照...

飯後兔寶寶和爺爺食布林.

我和大少都嫌酸, 沒有吃.

我們吃橙, 兔寶寶也分一杯羹.

和大少說起些布林有幾酸, 

兔寶寶聽到就扮個"酸樣"出來, 

故意引人笑...  :)

休息了一會, 離開時還走到松記吃糖水.