母親節TEA @ 屯門曼谷泰菜

5月14日  星期二  晴天

星期日母親節,
我和兔寶寶走入屯門,
同呀婆舅父食TEA...

今次我地响市廣場食泰國菜,
就返兔寶寶同婆婆唔食辣,
點嘅食物都是不辣的.
呀B第一次食泰國菜,
好緊張呀~
菜未來就先咬定匙羹...

見大家咁無聊,
舅父俾D好野大家睇,
有人裸體跳舞呀!

兔寶寶, 你認唔認得果個女主角係你自己嚟架?!
仲笑得落嘅?!

上網睇呢間餐廳週末都有下午茶餐架!
不過母親節當日就.....要散嗌!
所以呢餐下午茶都算貴!
先來一個小吃拼盤,
蝦餅幾好食.


好耐無食菠蘿炒飯!


呀B係第一次食菠蘿, 佢都幾喜歡食!
我再實地教多佢一次咩係菠蘿,
因為平時睇書好多水果佢都識,
係唔識指菠蘿出來!
在超市見到, 佢話個菠蘿係花花!

泰式生熟牛河, 麻麻地~



甜酸蝦, 其實我地一家都唔LIKE食甜酸汁的,
令人想起咕嚕肉----一樣我們都很討厭的菜.
大概係呀哥以為兔寶寶啱食吧?!
點菜時我上了洗手間, 唔係我一定否決的.
蝦本身都麻麻地, 炸粉又厚, 蝦肉又腥腥地,
菠蘿炒飯入面D蝦又無呢個問題喎?!

炒雜菜, 無任何泰式風味.

最後叫一個芒果椰汁黑糯米,
雖然舊芒果係酸嘅,
但對我來講最好食係呢樣!

兔寶寶食親甜品就勁招積!

兔寶寶: 我咁得戚係因為媽咪你終於要顎高頭望我^^

呢餐埋單都要四百幾蚊,
响度食嘅好處就係就腳同坐得舒服易搵位!
食物質素就.....小巴黎食同樣嘅野會好食過佢好多!
其實屯門有不少好食又抵吃嘅泰菜館,
我地係貪方便咋!


********************

食飽飽我地行去屯門公園,
幫兔寶寶影張單人照先!
舅父話佢頭上紥條辮肚腩 凸 凸加埋外星話,
好似天使得得B!

我地去咗公園入面嘅爬蟲館,
跎住呀B時都有同大少嚟過一次!
兔寶寶完全唔驚D蛇蟲鼠蟻, 仲睇得好開心!

睇完昆蟲我地去遊樂場玩!
三母女合照!

離開公園時見到隻宣傳公仔,
走埋去影相!
兔寶寶唔怕蜴蜥同蛇,
但驚呢隻公仔! 摸吓都唔敢!

兔寶寶可能知當日係母親節,
特別痴身, 一定要跟住我,
其他人唔拖得、唔抱得!

無帶BB車嘅關係(初時諗住旨意舅父), 我無可能全程抱住佢,
於是本來嘅下場節目都要取消,
回家去也!