瞓、玩、扭計

7月27日  星期六  陰天

自上星期三去游泳後, 兔寶寶就生病了.
開頭都無乜野, 係胃口差咗, 同夜晚作咳.
星期日就開始流鼻水,
等星期一帶佢去睇醫生,
醫生都係話感親吓, 藥水都係開定响度,
只要休息多D同飲多D水都會自己好...

於是兔寶寶嘅生活就由瞓、食、玩變成瞓、扭計、玩喇!

係呀, 差不多skip咗食果part,
因為煮乜佢都唔食, 係咬兩塊餅或者半塊麵包咁.
吸收咗上次佢生病嘅經驗, 我都唔係太擔心,
總之佢每餐有少少野到肚, 唔會血糖低到連玩都無力就得.

食藥呢,
試多兩次醫生病人遊戲佢都唔接受,
一見到藥水樽/針筒就叫"苦苦"..
我就放棄咗捉實佢塞佢食藥嘅方法,
預先將D藥放杯底, 再在她面前倒入少少果汁,
俾佢自己飲~
幸好呀B只雖要食一隻收鼻水嘅藥,
退燒藥同咳藥水都無俾佢食.

兔寶寶拎住呢杯, 就係藥嚟架喇!
哈哈哈!

食完藥, 又瞓!
今次仲要瞓地下!
叫佢返上床瞓都唔睬我~

抱佢返入屋就嚟料喇!
呢個就係兔小姐一星期瞓、玩、扭計嘅生活.
完~