前幾日整咗芒果布甸.
黃昏時間同兔寶寶去完公園玩,
路經露天街市, 一份芒果4.5個(有一個特別細粒, 計半個)收工價十蚊.
買返來等佢熟, 心中盤算用來整芒果糯米糍.
等到芒果熟了, 我卻日日都忘記買糯米粉.
咁啱有日巡blog, 見到精選blog Reko's homemade嘅芒果布甸食譜,
家裡又咁啱有盒開咗嘅細盒裝淡忌廉.
就轉呔整呢個完全不含人造色素與香料嘅布甸.
我用咗兩倍材料份量, 以為可以整到一大兜.
點知我將4個芒果打成蓉, 還有半個芒果切粒粒後,
最後只能整到四小杯布甸;
換言之一杯含有一個再多DD芒果, 你話揼本到呢~~
加埋忌廉滑一滑, 如果咁都唔好食, 真係無野好講.
大少不嬲都話芒果濕, 芒果毒, 佢話佢唔食芒果.
我以為這四杯芒果布甸是完全屬於我的.
點知第二日起身, 見到廚房升盤有兩隻吉杯....
唔洗問呀貴, 一定係兔寶寶偷嚟食啦!!
係咪呀, 大少?!
沒有留言:
張貼留言