瞓住打邊爐

1月11日  星期五  寒冷

星期三大少放假, 我地有D野要攪,
晚上去咗屋企附近打邊爐.

等緊個爐嚟, 未有野食,
兔寶寶飲住水先...


襯媽咪唔覺又玩水...

俾人收咗個水壺, 仲要咬住手指扮無辜...

有野食喇, 今次我地又係用團購嘅coupon架,
69蚊一位, 包埋一個雞煲.
見有咁多辣椒响個煲度,
拿拿林"畢"起佢先, 唔係兔寶寶唔洗食喇!

食物....都係果D野啦!
69蚊都有蝦, 算係咁喇!埋單兩人茶芥加一, 四十二蚊,
即係呢餐八十幾蚊一位咋!

兔寶寶今日無乜胃口,
食食吓仲伏响度..

有D野咁啵~~


嚟料喇!!

"銀芽!"

"咔唰!!"
兔寶寶: 邊個嘈住我!?

兔寶寶: 唔好影我睡姿呀!

哎....無陰公,
去街街時掛住八掛嘅兔寶寶,
無瞓過晏覺,
到晚飯時候就忍唔住喇!
咁樣點瞓呀?!
部長好好人, 見議用椅子"行"一張床俾呀B瞓...
不過大少抱起兔寶寶時太過粗魯,
整醒咗兔寶寶, 就瞓唔返喇!

本來咁嘅姿勢瞓得好香好熟架!