起身已經係下午三點了.......趕快同大少出去, 諗住去官涌街市買紅蟲俾隻龍蝦食.....
(自從無返工, 大少好多時會陪我癲, 做埋D無聊野...)
但係我餓到個肚咕嚕咕嚕咁叫, 咁無理由掛住隻龍蝦, 而餓親兔寶寶架~ 見順路就去咗白加士街果間"景霖"到度食, 叫左炸醬, 牛腩, 牛肉 + 墨魚丸米線, 下午茶仲送雞翼同豆漿, 同大少兩份食...
之後响官涌街市搵呀搵, 都無賣金魚嘅檔攤. 正確D嚟講, 係個街市入面十室九空囉....咁又難怪, 油麻地街市就响附近, D野又平又多, D人點會去官涌買餸呢?! 咁隻龍蝦唯有嘆一句: 無口福呢!
行多一陣, 大少返工了, 我就去街市買餸.
今晚我煮咗波菜魚肉豆腐湯 + 雞蛋俾自己食....
到十二點幾, 大少返來食消夜:
求其焗一個超力米粉, D泡泡係我"揚散"個米粉果時產生嫁...
加一碟煙鴨胸火腿金菇炒翠玉瓜, 手痕加多幾片素肉落去炒, 睇吓大少响唔知頭唔知路嘅情況下, 會唔會當肉食咗都唔知...
結果:
我响廚房洗緊鑊嘅時候, 大少問果D係咩嚟?! 好似怪怪地咁....
我諗住含含糊糊話係咁嫁果D肉, 你食啦!!
點知大少, 你精我都唔笨, 好似驚我謀殺佢咁, 叫我食一舊俾佢睇喎~~
我唯有食一舊, 再同佢講, 呢D係素肉, 你好似當豆腐咁食就得嫁喇~
大少果然未能食素!
完成品:
兩片火腿, 一塊煙鴨胸一件不漏全部食光.....仲有少少素肉同多多翠玉瓜食剩, 話好飽喎~~
沒有留言:
張貼留言