花面貓

6月24日   星期五   晴天

尋日帶完兔寶寶睇兒科, 佢D黃終於都退晒喇!! 唔洗再抽血喇! 醫生話因為佢係食全人奶, 而人奶入面嘅女性激素較高, D黃就難退D, 不過都唔值得為咗D黃而放棄餵母乳!

仲有呀, 兔寶寶而家有57cm長, 同埋5.442kg重!! 連醫生睇到都嘩一聲, 問我只係過咗兩星期, 就重咗咁多....(兩星期前重4.908kg!), 比起佢出世得2.44kg重, 而家重咗一個double喇!!

呢 幾日兔寶寶都不停抓塊面, 每日都有一撻損痕, 前日隻右眼仲紅咗少少, 緊係佢抓嘅時候唔小心整親啦! 醫生話隻眼果小小紅唔洗滴眼藥水, 不過佢就因為兔寶寶成日抓塊面而留意到BB有D濕疹, 肉眼睇唔到, 仔細摸起上嚟有些少凹凹凸凸, 所以開咗D lotion俾我幫佢搽面!! 同埋見議我幫佢帶返手套仔!!

到晚上我响廚房煮飯時, 兔寶寶又再次抓破自己塊面, 今次條痕仲要幾長吓!! 佢抓損咗响度喊我先出嚟睇到!!  佢出世以來我都未鬧過佢, 今次真係忍不住, 問佢攪咩, 雖然明知佢唔識聽!!

額頭果一撻啱啱好返D, 果鼻仔隔離又整條新嘅疤....

死wear難wear發炆陣點求救都無用, 一定要帶手套仔.....

同埸加影, 兔寶寶誓不低頭, 嗚嗚!!