黑椒蒜蓉豬肉乾

9月3日  星期六  晴天

之前blog友志太整咗好吸引嘅豬肉乾,
好想整呀~
雖然我唔多食豬肉,
豬肉乾我又鍾意喎~
今日終於响惠康買咗免治豬肉.

志太果邊有好詳細嘅食譜同做法,
我都唔再重覆打喇~
不過我就加多咗蒜蓉同黑椒....
同埋我盒豬肉大盒D,
碌薄完之後, 塊豬肉乾仲大過張牛油紙,
無所謂啦, 因為焗完都會縮水...


焗完一面(15分鐘):

兩面都焗完, 要搽上蜜糖;
我連買蜜糖都慳返,
用D食龜苓膏剩下嘅糖漿....


焗好出來灘凍:

大少覺得連豬肉乾都可以自己整,
好神奇呀!
仲頻頻話我犀利添呀!!! 嘿嘿~
試食之後, 叫我下次整俾兔寶寶哥哥姐姐食喎~
咁就唔好下次喇,
剪開留返D邊自己食,
全部入落個樽度,
等大少今晚帶俾呀爺佢地食.

多謝志太提供食譜.