忽然走入屯門

9月3日  星期一  晴天

尋日本來買咗餃子煮來做LUNCH,
諗諗下星期日都係唔煮飯喇,
咁就出街食.
又係去牛屋...
大少又係食牛,

今次我要雞扒, 其實係無骨雞脾來的.


一紅一白湯, 仲有兩個餐包.


兔寶寶乜都唔食, 食乜都LUR, 博打.

食完野, 醒起袋埋隻手指出來,
於是順便去晒相.
由於都要晒幾大量, 之前有睇過網上晒相果D,
最平六亳子晒一張都有,
不過就要等兩星期先有相攞.
等都唔係問題, 最大問題係我响佢個網站登記咗做member,
好耐都收唔到確認電郵.
連咁簡單嘅野都做唔好, 叫我仲點交D相俾佢晒呢?!
都係去返平時晒開果間隱陣,
雖然貴少少但質數有保證,
同埋即時(大約30分鐘左右)有相攞.
多口問句店員, 點解你地無話愈遲攞相就愈平之類嘅野架?!
佢話果D其實係帶返大陸印, 先有咁平架!
所以大家要曬相就自己諗吓去邊度印喇~

雖則話D相只係等半個鐘, 我都係同大少返屋企先,
等大少返咗工, 再同兔寶寶出去攞相,
(又多一個藉口哨多一次街...)
一返到屋企, 呀媽就打來, 話佢宜家嚟緊喇!
啊! 咁計劃有變, 等埋呀媽嚟先自己出去攞相啦!

呀媽係同朋友食完齋順便過來探兔寶寶,
其實都唔係順便, 佢係由粉嶺來的.
次次佢嚟到真係"得一得"就走.
既然呀婆有心, 加上我想出外走走,
咁不如陪呀婆返屯門, 再搵埋呀公食飯啦!
於是就換衫坐西鐵去屯門.

我爸同大少一樣, 星期六日都甚少幫襯酒樓的.
就算請埋佢, 佢覺得人多服務又無咁好,
佢都寧願吃其他東西.
本來想著去吃pizza, 但真係好多人,
於是去咗一間有賣上海菜的茶餐廳.
典型茶餐廳格局, 我們坐四人卡位.
本來BB是和呀公一齊坐的(呀公落order..)
但方便餵食最後呀公CC氣和我換位了.

叫了三個套餐.

一碟紅燒豆腐.

一碟蝦仁炒蛋.

仲有一條紅燒黃花魚.

睇樣係咪有D似我煮果條生化魚呢?!
街坊鋪頭仔係無乜賣相架喇...


以上三個小菜, 加六塊錢可以轉成套餐,
配上一碗白飯及餐飲.
每個餐大約是四十幾蚊.

再叫多個炒菜,
雖然很細碟, 但只是廿四蚊.

兔寶寶今餐吃了一點點白飯、蝦和魚.

知道她整天都沒有吃很多東西,
回家再蒸了一條魚(本來是晚上吃的)給她,
她都吃了一大半呢!

吃完飯, 呀公呀婆再帶兔寶寶去逛了市廣場,
呀婆又買了件外套給兔寶寶,
(因為我忘了帶外套而西鐵的冷氣又很猛.)
行了整整一小時, 才到西鐵站乘車回家呢!