尋日用咗大半日時間, 整咗呢個【烤焗黃金椰汁年糕】.
金黃色, 好靚呀!
跟住食譜整, 第一次發酵時都發得好好,
發到連個電飯煲蓋都發起埋!
我心諗出年龍年發喇!!
到裝入糕盤進行第二次發酵,
D粉漿升到連一個糕盤都裝唔晒....
可能尋日太凍, 第二次發酵响室溫進行得唔太順利吧!
到入得爐嘅時候D粉漿反而縮咗水而唔係發得更勁,
就係呢個步驟唔成功, 所以個黃金糕焗出來無乜窿窿,
好似年糕咁....
既然整黃金糕失敗咗,
咁呢個成品我就叫佢做【烤焗黃金椰汁年糕】吧!!
呢個糕有兩個食法,
一係焗起就襯熱切厚件食,
兩種食法我都試過,
煎香佢食比較好食, 同埋一焗出來好"痴刀",
好難切得靚, 雪凍先切就無呢個問題.
*****************************************
兔寶寶: 兩日無見, 我係咪又精靈咗呀???
沒有留言:
張貼留言