飲早茶

7月24日  星期三  陰天

宜家個地球真係short咗,
點解一日之內可以時晴時雨咁多次?
想搵一日真真正正好天都好難咁!

******************

上星期某天, 兔小姐早睡早起,
回復古人嘅生活, 早上四點幾就起身...
好彩前一晚大少都係十點幾就瞓,
見到咁嘅情形, 拋下一句:"九點鐘叫醒我飲早茶啦!",
咁就返入房瞓喇~
真係多謝晒, 起碼有籌碼同睡魔對抗,
一眼瞓就諗住: 飲早茶!
最得戚一定係你喇, 兔寶寶!

呢日去稻香, 今次個冷氣好勁喎!
早茶時段有點心孖寶, 兩碟都只係十五蚊.
叫個黑糖(定黃糖?!)合桃包, 塞住兔寶寶個肚.


仲有呢D, 都係十五蚊有兩款.
兩碗分別係皮蛋瘦肉粥同蟲草花肉丸粥,
我食果碗肉丸粥, 真係幾好食.
上次試了OK嘅紫薯卷, 今次來了一籠,
就真是太油太滯了.

兔小姐, 你篤住D肉丸,
係咸定笑呀?

******************************

飲完茶, 行過樓下茶餐廳店子擴充,
大少隨手就摘了人地花牌的一朵玫瑰和一朵太陽花.
他告訴我凡是花牌的花都可以摘的,
有些祝賀的意思.
我住了香港三十幾年都唔知有D咁嘅慣例,
每次大少話要摘人地D花,
都要問一問人地店東才安樂;
唔想因為一支花而俾人追九條街呀!
可能我地帶住個小朋友, 每一次D店主又真係俾我地摘喎!
想問吓D老香港, 係咪真係有D咁嘅風俗,
定係大少老作呢?!

大少摘了支半謝的玫瑰,
兔寶寶就拿著扮花女.

支花同佢件衫, 好match呀~

去到樓下office,
鵲巢鳩佔, 霸咗姐姐張椅....