9月22日 星期日 雨天
呢隻中秋天兔真係犀利囉~
前兩日我都留在家無出街,
雪櫃嘅物資已經食得所餘無幾...
我地住嘅地方一到八号風球就真係無野食架喇!
有都係麥麥送囉!
連超市都唔開!
成晚都心掛掛,
一到七點半就彈起身刷牙洗面換衫落去附近較大嘅超市等開門入貨...
估唔到好多人都係同我一樣,
咁神心等間超市開門搶野食!
魚呀肉呀蛋呀麵呀買咗兩大個貨籃,
成架車擠到滿一滿..應該未來三日都不愁無野食.
明知要買咁多野呢, 所以我唔俾兔寶寶跟住嚟..
佢就响屋企喊到死去活來,
俾咗隻出奇蛋佢都收唔到聲.
到我去第二間超市八一八睇吓有乜筍野再執D時,
竟然聽到兔寶寶叫我媽咪!
原來大少忍受不到呀B嘅哭鬧,
頭都唔洗著住件底衫就帶住個女落嚟超市搵我..
(大少係果D去跑步都要洗吓頭梳好嘅人)
都唔知好嬲定好笑呀!
不過都好嘅多咗個壯男幫我拎野!
而家都唔算好大風雨,
我估聽日大家都應該唔使返工架喇!
有人幫拎野! 天兔令市民好煩, 小兔寶令壯男好煩, 都係你哩個媽咪好野呀! 可以攪掂餐餸又可攪掂小兔.
回覆刪除兔寶寶唔多跟呀大少架! 大少問佢今日同爸爸瞓好無? 佢即刻答唔好!
刪除haha, when you said somebody called you 'Mammy', i thought it was only in your mind -- ha ha, but it was truly your daughter. So funny!
回覆刪除兔寶寶叫媽咪D聲好特別...特別在發音唔係好準, 同佢係講得好嗲嘅, 所以我一聽就知係佢喇~
刪除今早街市，D人好似打到來咁，真攪野.
回覆刪除無計啦, 天文台講到咁恐怖, 點知會唔會真係打兩三日風架! 屋企乾糧就多, 新鮮蔬菜就食晒喇!
刪除