一日兩餐

7月20日  星期六  晴天

星期四大少補假,
果日兔寶寶有兩小時的託管.
呀B雖然前一晚有嘔過,
體溫又高咗少少(37.1度), 同無乜胃口食野咁.
不過又無話咳同流鼻水.
送咗BB去幼兒園,
我地就去快餐店買野食.

想試呢間呢間快餐店,
行過成日都聞到香味,
衰咗得果兩個位,
要食就要買外賣拎走.

叫咗兩個餐, 我果份係全日供應的炸脾薯條配熱狗.

呢間D漢堡包响區內都幾出名.
連熱狗都幾好食,
個包有烘過, 加埋入面少少汁料,
好食!

我個餐唔要飲品可以要沙律.
佢D沙律醬好似有D蒜蓉定唔知乜加咗落去,
很特別也很美味.
加四蚊有羅宋湯, 碗底有很多蔬菜.

大少果份, 係散叫的雜扒薯條,
沒有飲品, 但同樣可以加四蚊有湯.

************************

兔寶寶託管完已經四點半,
大少提議晚上去CEO唱K,
但呀B胃口不佳, 心情又無平時咁好.
唔想出去食得太耐.
上網搵來搵去都唔知食乜好...
後來想到信箱曾收過Pizza Box的傳單,
有個星期一至五套餐很抵.
張傳單我一直keep住, 想搵日叫來當LUNCH...
不過花百幾蚊食個LUNCH呢, 大少又一定話不如去飲茶了~
大家都唔想出街, 襯有機會就叫來試下.

打電話落單話要等三十至四十五分鐘,
我就同兔寶寶沖涼,
沖沖吓門鈴已響了, 好快呀!

兔寶寶著好衫急不及待用隻手仔去摸~

套餐一百五十幾, 加十六蚊轉雙層芝士脆薄底,
由兩塊餅底去夾住一層芝士, 即係個底有三層,
但係都好薄..

唔要焗飯焗意粉, 可以揀炸雞.
D雞皮脆到忍唔住食埋D皮!
去KFC或其他地方我都一定會搣晒D皮架~

小吃要了焗墨魚丸.

兔寶寶在外賣來之前已吃過了,
象徵式給她一塊雞、一塊pizza...

佢要來聞多過食!

放佢落地, 佢又要攞D雞來...玩!

咁多野兩條友食,
大少仲隊咗兩支啤酒, 都係食剩幾塊仔pizza咋!
呢餐我地食得很開心呢!