今日一點左右起身, 就去咗官涌街市同大少食早餐....
大少嘅根腩麵, 有粒水餃, 本來係屬於我嘅....
試食咗一舊牛腩, 好入味呀, 唔係清湯腩....
我的淨水餃....
呢間食肆開咗好耐, 叫黃根記..
睇吓, 連隻碗都印咗佢個名嫁!
上次响官涌街市第二檔食, 發現好多人都响度食粉麵; 返屋企上網search吓, 原本開咗好耐歷史, 所以今日特登嚟試嫁!
仲叫咗個菜:
明明叫芥蘭不過嚟咗白菜...算啦, 個呀姐忙到踢晒脚: 落單係佢, 倒茶沖茶係佢, 收錢係佢, 連唔夠碗用都係佢洗...
基本上呢度食物麻麻地, 係平囉, 唔係唔好食, 可能我期望D水餃同麵會好似津味呀, 沾仔記咁....都唔好同麥文記果D比了...不過又真係一分錢一分貨, 今時今日仲收你15蚊碗, 埋單計埋碟菜8蚊, 都係38蚊....唔難食已經算唔錯了...
之後去咗護協, 睇吓有D咩買....點知...盤點呀!
唯有去藥房再買多支BB用沖涼液, 爽身粉, BB油...大少又執多支洗面膏俾自己...
跟住去惠康買吓野...
大少又返工了.....
***********************************************************************
平時我自己晚餐食嘅野好簡單, 如果唔係食飽飽餅餅呢D唔洗煮嘅食物, 就係一煲過將D菜, 魚, 肉, 豆腐, 蛋等煮熟, 唔放油又唔放鹽... 呢D食物大少係唔會吼嘅, 無所謂啦, 反正佢又唔返嚟食夜晚嘅...
我都幾enjoy一個人, 慢慢一路睇電視/上網咁食..., 好多時一食就食佢兩粒鐘嫁喇~
今晚煮咗個較為特別嘅晚餐俾自己呀~
之前同大少去咗官塘某飯店食消夜...因為唔記得影相...所以無出網誌...
其實果度以前我地成日都去, 當時我地仲未戒煙同酒, 大少好鍾意去, 覺得果度食野好有氣氛呀!
果日竟然有野食剩...
係因為大少無飲一排酒同戒咗煙, 味覺比以前清晰, 覺得D野好咸呀~
食食吓佢話唔食, 叫我打包拎走喎!
我就覺得, 係因為好多人都响果度飲酒吹水猜妹同煲煙, 大少突然間扯起條引, 驚自己頂唔順所以雞咁腳走囉~
大少, 真係辛苦晒!
果日攞走咗半碟芝士焗魷魚....
之前買咗D蟹柳, 煮麵俾大少做消夜嘅時候當加餸...
佢可能食厭咗, 叫我丟咗去, 唔好再煮..
我咁慳家, 點會side野嫁....
於是煮熟D螺絲粉,
用D牛油, 牛奶, 加埋所有剩餘物資,
再加多塊芝士,
就變成白汁芝士蟹柳魷魚螺絲粉了...
說穿了, 都係善用資源, 唔想浪費食物姐..
唔係自己讃自己, 好creamy, 好好食嫁!!
***********************************************************************
跟住晚上有一位朋友上嚟, 本來佢都係今年做兔媽媽, 尋日先知佢因為葡萄胎而不幸小產咗....同佢傾到深夜...
唔緊要嫁! 最緊要養好身體! 之後再嚟過!
祝福她~
沒有留言:
張貼留言