尋晚大少的消夜, 有:
煎豬扒一塊
韮黃煎蛋
仲有米粉同埋菜一兜, 但係大少無郁過兜菜....
***********************************************************************
4月1日 星期五 和暖
今日開始直到兔寶寶出世, 一起身都有個特別任務要做呀~
就係要數BB踢我嘅次數, 用個table mark低幾時開始數, 數夠10吓就ok, 再mark低幾時踢夠10吓, 用"x"來表示...
好似今日咁, 我15:22分開始數, 兔寶寶好合作, 20分鐘左右就踢夠10吓, 可以收工...
今日成兩點幾先起身呀....大少無去做gym, 早餐我地食麥皮....
之後我响廚房整滷水雞脾, 大少發現咗, 就問我點解頭先無雞脾食....
送咗大少返工後, 我就去買餸; 之後又去咗吉之島10蚊店, 睇吓有無膠水草買俾隻龍蝦....不過果度D塑膠植物係吊飾多; 而且應該係浮水嘅, 唔係太適合, 唯有隔兩三日就買一次西洋菜啦!....行吓行吓又六點鐘, 要返屋企Lu...
因為雪印奶粉之前打過嚟, 話今日六點至八點會有人嚟送禮物包呀~~
唔知係咩嚟呢??
原來又係奶粉...
同埋本 Baby Diary...
入面都係有D育嬰需知, 同埋有D生活日誌, 俾媽媽去記錄BB日常生活嘅細節, 例如幾時飲過奶, 幾時瞓覺, 等等...
其實之前佢地仲寄咗會員咭同埋一條BB紗巾嚟嫁!
真係要讚日本雪印公司果然係準時呀, 話幾時送就幾時送...相比起卡洛塔妮羊奶粉, 上星期打嚟話會送, 到而家都無影呀!!
到八點幾九點, 大少又打返來話回家吃晚飯...其實我已經食緊了....
淥多個麵俾佢, 再响我食緊果煲菜度分D出嚟....
仲有滷水雞脾 + 雞蛋....
費事大少掛住食肉唔掂D菜, 呢幅相係"圖片只供參考"嫁咋...
實情我淨係夾咗一隻雞脾同兩隻蛋上枱!
仲有腐竹薏米糖水, 一大煲放得兩粒仔冰糖, 唔係好甜..
放入雪櫃雪凍佢, 倒入杯度俾大少當豆漿咁飲!
最近我發現街市有一檔雜貨鋪賣D腐竹, 煲唔洗三個字就溶晒! 以前買開嘅至少要煲九個字! D人話愈快溶d腐竹係愈新鮮喎! 以後唔洗去深水埗樹記買都買到靚腐竹了..
沒有留言:
張貼留言