今朝起身大少就沖涼搽藥膏, 跟住好開心咁同我講, D皮膚好返晒LU...個醫生好得呀! 而家係搽埋d藥膏等佢唔好咁大機會復發, 又叫我買張Thank You Card幫佢寫好, 等佢星期一送俾個醫生.....
吓! 大少, 你尋晚仲問我好唔好搵過第二個醫生睇多次喎!
你咁樣我好難適應你喎~~
今日我地嘅早餐(下午三時):
蠔油娃娃菜肉碎魚肉煮粉絲...
大少食完上圖果一碟後, 再添多一小碟...
上次佢陪我去惠康, 問我點解差唔多價錢, 買細包粉絲都唔買大包...
我地兩個人食, 買一包細嘅啱啱好.....
買大包嘅嚟煮, 視覺上D料少咗, 又要徙一輪口水先氹到佢食喇!
心情靚爆嘅大少食完即刻摷雪糕食喇!!
*************************************************************************
話說兔寶寶嘅預產期係今個月22号, 耶穌受難節....
大少日前問正在洗碗嘅我, "你估兔寶寶大唔大機會响正22号出世吖嗱?"
咁我緊係話: ""唔知嫁喎, 好難講....只有5%嘅BB係踏正預產期出世嫁!!""
大少仍然死心不惜: "咁我緊係想佢準時22号出世啦...話晒啱啱復活節假期, 我得閒D....
即係, 你覺得會唔會準時呢?!"
我有D唔耐煩, 答佢: "唔知呀!唔知呀!!"
你估話生就生咩! 我都想知幾時呀大佬!
**********************************************************************
夜晚去咗九龍城食:
有椒鹽白飯魚.... 28蚊
勝瓜雲耳炒牛肉....
梅菜蒸肉餅......18蚊咋~~
蝦子海參炆豆腐....48蚊
兩條友食咗四碟餸, 大少仲未夠, 走咗去土瓜灣飲夜茶....
叫咗棉花雞同排骨...
我飲咗碗木瓜章魚湯已經飽到食唔落了...
大少仲話我唔食野...
吓?! 好難同你比喎!
***********************************************************************
沒有留言:
張貼留言