平時我好少煲湯架,
因為大少唔係好飲湯, 得我一個人飲;
而且兔寶寶嫲嫲通常一個星期都會煲一次湯過來,
所以我好耐先自己煲一次,
通常係等兔寶寶婆婆嚟先煲, 多D人幫口飲嘛!!
上星期煲咗呢個"海底椰花旗參准山湯",
用安記嘅湯包, 加四個雪梨就可以.
呢個湯最特別嘅地方係我加咗半隻大鮑魚落去煲!
其實係大少想食鮑魚, 咁我就買咗一隻大青邊鮑.
刷洗過之後白白淨!
參考網上食譜, 整個一鮑兩食!
應該話半鮑兩食先啱!
因為我係連九孔鮑都未煮過,
怕差不多五舊水嘅鮑魚俾我一炮過煮彎!
所以我分兩次整!
煲完湯就用鮑魚汁煮一煮佢, 加埋菠菜,
大少食到咀LAM LAM.
煲咗幾個鐘頭之後D鮑魚雖然夠淋但仍然好夠味;
不過就外面就俾D湯染咗少少色囉!
賣相不佳但係好好食!
D湯就唔係好重鮑魚味喎,
可能我唔係用雞呀, 火腿去煲啦,
我麻麻地鍾意飲雞湯, 覺得好燥,
今次個湯連豬肉都無落,
落咗幾粒乾瑤柱, 加埋雪梨蜜棗南北杏,
夠晒潤!
湯渣都無嘥架, BB食咗D准山同雪梨!
*************************************************************
兔寶寶响寵物店見到D狗仔咁開心,
仲以為佢好鍾意狗仔!
點知...呀女你好細膽呀!
我不嬲都覺得你天不怕地不怕架,
你竟然"縮"!!
原來, 兔仔係天生驚狗仔架!!
http://www.youtube.com/watch?feature=player_embedded&v=NeMoVEWEkKw
沒有留言:
張貼留言