第一次到遊樂場

11月22日  星期二 清涼

尋日大少放假, 我地去咗海港城行街街買野,
走嘅時候好多人都响商場外嘅聖誕裝飾影相,
我地都唔執輸影埋一份.


之後行星光大道, 大少慶之所致, 俾咗70蚊影咗幅相,
影得麻麻咋!!
反而响海旁有途人幫我地影全家幅, 影得仲唔錯喎~~

之後襯未天黑, 去咗中間道遊樂場;
我都好多年未去過呢D地方了.
兔寶寶第一次玩搖搖板,
睇佢表情, 佢應該係覺得好新奇呀!