又搬屋

7月1日  星期二  晴天

最近兩星期幾乎天天摷醒大少接兔寶寶接放學, 

好讓我悠閒在家, 一個人做自己喜歡做的事.

多了躲在廚房煮這煮那, 

也多了帶兔寶寶在附近四處逛逛~

為的是我們要搬到北角, 和兔爺爺嫲嫲一起住.

以後也不能隨便勞煩大少爺了~

決定了搬遷接近兩個月.

搬的最大原因, 是大少不想再捱貴租..

最初佢提出這見議時, 

我是極其反對的~

即使是最好相處的人, 

也是相見好, 同住難~

協調管教小朋友的方式就更難.

而生活上的細節呢?!

幾耐換一次床單、幾點洗衫、早午晚食乜呢D...

想好似以前嘅生活又要奶奶睇得順眼, 

全部都是難題.

我想問, 奶奶都未必聽得明!

最大嘅問題係, 大少覺得這些都不是問題!

 

 

但和朋友傾過後想深一層, 

 自己無工作無收入唔洗我交租, 

當然想一家一主做我的女主人...

但大少在外捱騾仔之後又月月清,  

就很自私了~

兔寶寶在這間屋住的最後一晚,

做了一個很簡單的小熊蛋糕作為紀念~

兩母女進行了簡單的切餅儀式~

 

 想到這裡我就往好處想...

反正兔寶寶九月份就開學, 

到時佢朝八晚六, 我也可找一份正職.

如果呀B生病不能上學, 

家裡也有人照顧. 

以往搬屋, 只需把櫃裡廚房裡的東西執清, 

到新屋再拆箱就可~

今次呢?!

很多物件也變成重複的, 

而我就要在這幾天把家裡所有東西分成"無用"、

"平時要用"、"不是平時要用"等等...

無用的固然當垃圾丟掉, 

唔係平時要用的就入箱放天台...

家裡變成亂葬岡~

幸好昨天待兔寶寶放學就把她送往婆婆家裡去.

執了一晚東西, 

之前還想著襯小朋友不在攤抖下, 

看見現時執拾的進度, 真的要加把勁了~