晚飯@新景園咖哩

6月23日  星期一  陰天

週末去睇舅父打乒乓波後, 

打算行去舊灣仔街市附近吃東西..

行到去發現大排長龍, 

四圍行呀行, 最後去了咖哩頗有名的新景園.

可能全日行程太累吧!

兔小姐一入去都未坐下, 

已經大聲話: "我唔食!"...

坐在小圓櫈上不久, 

就開始拍都唔醒中眼瞓~ 

舅父要了咖哩豬扒飯.

咖哩無分大中小辣, 

總之得一種, 你叫咖哩牛羊豬菜魚也是汁另上.

呢排唔太想食辣, 就唔覺佢D咖哩好好食, 

反而個炸豬扒就做得好好..

我本身係唔"好"豬肉的, 

一般店鋪的炸豬扒, 咬完一啖, 

唔會想食第二啖.

這兒的炸得很嫩, 

唔點汁都夠味但又吃不出豬肉的臊臭.

一碗汁得一塊薯仔!

荷香籠仔蒸雞也很好吃.

用新鮮的荷葉, 雞肉蒸得剛剛好, 

配料只有數小塊鮮菇和蔥, 

正好帶出荷葉的清新.

可能葉片吸收了多餘的油, 

吃光雞塊後剩餘的汁水也只有零星點點的油花, 

讓人覺得很健康, 

難怪很多食客都是講究健康的中年夫婦.

兩個餐各跟白飯和例湯, 

還有份量不少的灼生菜, 

每份餐七十五元.

未吃之前看到店鋪的格局會覺得偏貴, 

食名氣似的.

吃完就感到物有所值.

 要我蒸出同樣水準的雞, 

應該要浪費好幾塊荷葉才可行.

兔小姐瞓足全餐飯.

我們一直留住一件豬扒半碗仔飯不吃, 

預佢隨時起身...

直至舅父差不多把最後一口飯爬光, 

佢先至話: 我要食....

應瞓果時唔瞓, 殘忍都係咁話:

返屋企食蕃薯啦你!