週日長篇雜記

6月16日  星期一  晴天

 

細路仔本身就唔怕悶嘅, 

尤其好似兔寶寶咁細個, 

日常生活中可以接觸到嘅, 

都係新奇有趣之物.

呢日嘗試拉拉鍊, 

除衫著衫, 攪足一餐.

 

睇唔明文字,

睇下公仔,

加埋自己幻想, 都覺得很有趣.

大人叫我笑咩?!

諗吓諗吓, 整個囧樣出嚟, 

激下你地D大人, 佢仲過癮~

有人陪就更開心!

呢排佢行過樓下就拉住我走入動漫機地, 

要搵住附近嘅姐姐玩!

呢個姐姐成日都有好多玩意, 

一時有橡筋繩, 一時有彈彈波, 

唔單止兔寶寶覺得好玩, 

連帶我都鈎起很多童年回憶.

姐姐仔仲好識照顧兔寶寶...

 

有野食, 

一齊share仲開心!

姐姐仔返小學較忙, 

兔寶寶有時都要自己一個玩, 

呢排皮膚好返少少, 帶佢打吓鞦韆.

好耐未帶佢去公園, 

一輪無玩, 宜家坐响鞦韆, 

對腳差不多掂到地了.

坐馬仔時, 

更要叫佢細力少少"chok"...

留响屋企, 

呀B成日都玩角色扮演, 

今次扮醫生, 專醫C人...

星期六的芭蕾舞堂有很多小女孩, 

更衣室只有兩個.

本來我只為呢十二堂團購班買了鞋襪, 

按照課堂指引, 為兔寶寶穿上寬鬆衣物.

上了幾堂, 發覺幾乎全部女孩都穿上芭蕾舞裙.

上次入屯門, 呀婆要送呀B一條裙子時, 

兔寶寶就主動選了一條芭蕾舞裙子..

我要她選半身款的, 不讓她買全身裙, 

無咁熱之餘, 只需要在課室外套上去就可以, 

不用排隊等更衣室.

上完堂, 行去宜家買爆谷熱狗醫肚.

之後又去搵姐姐仔玩過~