超簡易朱古力布甸實驗

5月25日  星期日  晴天

小時候呀媽教啫喱和布甸的分別, 

前者無加奶, 後者就有..

咁呢碟就係朱古力布甸!

屋企有好多朱古力, 

有D係烘焙用的, 包裝好即食的也有好多pack.

上圖的布甸過程較複雜(但也不困難), 

先隔水座溶無需調溫的紐扣黑朱古力(我下了半包, 約100克), 

同時用凍水浸軟兩片共約5克的魚膠片.

待可可溶化, 就加魚膠片攪勻, 

再慢慢加入室溫鮮奶(目測, 夠兩兜份量),

雪凍凝固就攪掂!

咁整的布甸很滑, 

大少和兔寶寶都爭住食.

下圖整的是偷工減料版本.

不單用了雀巢甘脆朱古力, 

鮮奶也改了用奶粉..

無先溶可可, 

而是加熱奶水再把可可丟進去攪溶...

(其實做落就知咁樣仲麻煩過先溶朱古力, 

可可唔多溶在奶水中, 要慢慢用個篩撈起過篩整溶佢!)

整出來的布甸質感實, 似砵仔糕的質地.

咁整出來的布甸真係麻麻地, 

連呀B都唔多願食!

所以整甜品除了講求心機, 

材料先係最緊要!