攰寶寶

3月11日  星期二  陰天

兔寶寶你攪乜呀?

嗅自己對臭腳呀?!

噢! 口水都流埋~

原來佢瞓緊覺呀!

一日返果兩個鐘頭學有幾攰?!

看來我完全高估咗呀B嘅體能.

每日放學, 佢都會扭我抱, 

話好攰好攰!

由佢識行開始, 我就無乜抱佢架喇!

(過馬路, 過水氹, 過地鐵條GAP呢D咪抱囉~)

而佢知我係唔會抱佢嘅, 

一向都唔會扭我抱!

超市嘅購物車亦無坐好耐, 

以佢身型, 

分分鐘坐穿人地個籃又或者卡住咗出唔返嚟!

呢一日係見佢不停話好攰先抱佢上車咋!

而佢竟然...唔洗一秒鐘瞓著咗..

幾個收銀EE叫佢都唔醒呀, 陰公!

連路人甲都唔抵得, 問我前晚係咪帶佢做賊嚟!

上堂又扮馬騮又扮兔仔, 

想唔攰都好難!

有動亦有靜架!

下圖係兔寶寶自己讚自己"Amazing"嘅傑作!