再遊深圳野生動物園(一)

1月23日  星期四  寒冷

今次返大陸除咗按摩, 

最主要係去動物園睇動物!

買咗團購飛, 

成人只需七十幾蚊港紙就可以入場喇~

 

一入到大門口就見到上次騎過嘅馬車.

騎一個圈要成二百蚊人仔架!

走馬看花咁, 略略睇一睇園內有乜動物就玩完,

今次一定唔再上當.

沿途都無乜見有馬車行過, 

生意淡薄, D馬伕都無乜動力去撩生意了.

動物園雖然大, 但沿途有觀光車, 

我地用團購卷可以半價十蚊人仔換一張, 

全日無限次任上任落, 抵過馬車好多!

無特別要求下, 呢架觀光車就會响海洋館附近落晒所有客.

點解?! 有生意做嘛!

騎馬仔影相呀!

大陸人做生意真係好"進取", 

落車之後腳都未企隱, 兔寶寶就已經俾人抱咗上隻駱駝度!

好彩佢地唔係拐子佬姐~

呢個時候嘅兔寶寶, 仲係十吓十吓, 

應該係唔知發生乜野緊事...

第一次發現原來"蛇GUE"都有好處!

呀B咁細膽, 人地都未拖隻駱駝行一步, 

佢就已經要"螺"落地!

咁樣就幫媽咪慳返五十蚊~~

 睇相就知兔小姐有幾鎮定?!

一日未離開險景佢都唔會喊...住架!

嗱! 安全喇! 喊得!

騎馬仔附近係海洋館, 

仲有少少時間先開始表演, 走去睇熊貓.

兔寶寶上年都仲係矇矇吓, 乜野動物都話CAT.

今次好好多喇! 

自己識講得出絕大部份動物的中/英文名稱,

唔會再叫熊貓做貓貓喇~

睇完熊貓, 睇海洋表演.

都係果D野喇! 無乜特別.

 

最特別反而係呢個價目表!

响大陸, 樣樣野都有個價!

今次嘅行程都幾趕頭趕命架!

要趕睇三場show嘛!

睇完海洋表演後我地就去參觀中型動物區.

呢D高過大少嘅棕熊, 都算係"中型"架!

俾十蚊就可以買一籃仔蕃薯丟落去餵!

行過少少有豹同獅子毑, 

呢兩樣都係中型動物...

遊客同個籠之間只係相隔一條好窄嘅花槽架咋!

睇到咁上下, 

係時候要走入"獅虎館", 睇猛獸表演.

開場前有小丑吹出長條型氣球助慶.

見佢吹一吓就吹得漲一條長長嘅氣球,

好特好氣.

跟住又玩用一隻手指轉波, 大少話小兒科啦, 

佢都得喎!

可能我地坐第一行啦!

個小丑好似聽到大少講野咁, 拉咗佢出場, 

要佢當眾表演轉波和吹氣球...

哈哈, 雖然最後大少係失敗咗, 

但換來全場嘅掌聲...

所以呢, 我都話大少係好有做小丑嘅天份架啦~

開場表演LU!

都係果D野, 同上年差不多.

 

表演完睇返未睇完嘅中型猛獸.

獅子仔..

仲有國家二級保護嘅猞猁,

唔講仲以為係一隻貓...

跟住行去猛獸谷, 睇無籠困住嘅動物..

 

隔住強化玻璃從上觀看..

接著就係我地最期待嘅環節, 

親手餵老虎!