再遊深圳野生動物園(二)

1月24日  星期五 晴天

去到成程最好玩、最刺激嘅環節,

就係去猛獸谷餵老虎.

入場無記錯係每位廿蚊人仔, 

包一塊雞肉, 用一支去咗尖頭嘅燒烤叉篤住,

伸入老虎籠入面餵.

D老虎好似好肚餓咁, 會爭食架!

大D嘅會用手拍幼虎嘅頭, 叫佢地行開.

怕老虎太大力, 成隻手扯埋入去,

所以呢項工作交由大少完成.

 

*************

餵完老虎, 

去睇最後一個show, 除咗獅子等猛獸外, 

其他動物都有份演出.

等開始時就見到順獸師在台下和幼熊練習跳繩..

只要熊仔乖乖合作, 

就會得到少許類似鬆糕的東西以作獎勵.

開始喇, 

好似拍武俠片咁, 有幾隻馬帶著旗幟飛翔;

又有舞蹈員在跳舞.

跟住D表演其實都睇得唔係太清楚, 

因為距離太遠, 只記得最精彩的是馬術表演.

睇完表演, 出到來再見到好可愛嘅羊駝.

仲可以花廿蚊人仔餵紅蘿蔔.  

隻羊駝好順, 連兔寶寶都夠膽餵佢.

之後見到斑馬.

又去咗大象區,負責賣紅蘿蔔嘅工作人員已經收工.

大少竟然將我準備自己食嘅panash芝士包全數餵了大象,

離開時D大笨象好似唔捨得大少咁.

最後去了寶寶區, 

之前可以响呢區餵吓羊餵吓豬, 

點知今次就無咗, 得返一群無人理嘅兔仔.

連兔寶寶都唔睇兔仔, 掛住玩sir滑梯.

臨離開前玩鴨仔..

不得不提, 本來大少在屯門買了半磅笑口棗,

在行去出口的途中全數餵了鳥籠內的大咀鳥吃, 

完全唔理D雀仔食咗笑口棗後會唔會肚痾..