悠閒一天

10月11日  星期五  晴天

星期三大少放假, 

因為佢生咗D濕疹要睇醫生, 

加上痕痒, 都無去D乜野特別地方.

在家吃過簡單午餐後, 

我帶兔寶寶去公園玩等大少睇醫生...

呢個時候個個都返晒學, 公園得一兩個小朋友...

 

 幸好遇上的是一個很友善的姐姐仔,

好識氹兔寶寶玩, 

兩人都玩得很開心.

呢日仲叫爸爸帶埋單車落樓, 

因為呀B成日都在家都話要踏單車.

屋企豆腐潤咁細, 點踩姐?!

但佢有得踩時又心不在焉好唔願意咁款.....

跟住仲...瞓埋添!

所以呢, 玩單車呢D一定要有個男人响樹先得.

想推佢返屋企, 

但佢雙腳又不停離開腳踏;

如果一直推車就會弄傷對腳.

最後要爸爸把她抱起.

後來又扭計要媽咪抱.

我抱得佢幾耐吖, 

最後咪又要放佢落地....

仲要買串咖哩魷魚補充返D體力添呀!

呢檔咖哩魷魚呀SO話係全香港最好食架喎!

見唔洗排隊就篤一串...

從來未食過凍嘅咖哩魷魚,

味道普通, 除了較彈牙外, 

一點都不特別.

 ***********************

之後返屋企俾兩父女瞓一陣, 

就出發去打邊爐喇~

 

兔寶寶並非拜神, 

而是用手捉火鍋的蒸氣...

佢食好少野咋, 

兩三片牛肉, 一小塊粟米...

已經把炸魚皮收藏好作限量配給, 

免得佢博命食架喇!

你有張良計, 佢有過牆梯, 

佢咪博老命飲汽水囉!

一心諗住煮少餐飯洗少隻碗, 回家又要煮俾佢食...