虛驚一場

5月27日  星期一  晴天

上星期五傍晚大少發現戶口D錢少咗,
佢話月頭由存鈔機入來交卡數嘅錢唔見咗,
初時我仲堅持户口D錢無少到, 亦無轉過帳, 唔會响第二D户口....
為求安心上網check吓, 真係搵唔到條數....
攪到我地囉囉髦咗成晚,
大拿拿成八千幾蚊, 以為部存款機食咗D錢!
星期六朝冒著大雨仆去銀行打薄, 都係無!
排隊問銀行職員, 我仲超攪笑咁叫佢check返部CCTV,
一定見到我地兩公婆"的"住個B入數....
好彩銀行職員後尾check到...
原來我擺烏龍入咗張唔多用嘅credit card入去當提款卡, 條數就响果個accout度!
大少當然即時話我失魂魚又呢又路啦..

驚魂甫定, 大少就回家繼續瞓覺去也,
而我就煮餐飯來補補鑊...

想到大少曾提議我煮洋蔥炒牛肉,
即煮!
加埋西芹, 一碟過唔洗煩!

奶奶拎咗一大盒雪菜炒毛豆百頁果來,
畢起少少又一碟.

今餐食芝麻麵同日本拉麵.

兔寶寶食飽伸個懶腰, 爽呀!