悠閒半天

8月23日 星期四  炎熱

尋日我地有D事要做, 出咗去尖沙咀.
做完正經野, 去咗妹記大牌檔食晏.
呢間室內大排檔,
晚上好似東寶小館咁, 係用碗嚟飲啤酒嘅,
以前間唔中都會同同事落去食吓野, 吹吹水.

未食過LUNCH, 原來晏晝好抵食呀!
碟頭飯跟罐裝汽水同例湯, 都係廿八蚊...


一去到都未坐定, 呀姐已經送上例湯兩碗.

大排檔都有BB天王椅, 讚呀!


一番考慮之後, 大少要了滑蛋牛肉飯.


我就唔洗諗, 碟頭飯一定係叫芙蓉蛋飯.

呀B食乜呢?!
成部大電視對住, 佢用電視汁撈白飯呀!


**********

本來打算去海港城探叮噹,
唔夠時間, 唯有第二日再去,
食飽飽慢慢行返屋企.
好鍾意睇兔寶寶行路(我知, 我有戀女狂吖嘛!)
一蹦一跳咁;
因為個人得戚, 經常一路行一路笑...

雖則我都想兔寶寶快高長大識跑識跳,
但到時我一定好懷念現在佢行到一仆一碌的樣子呀!

*************
行呀行, 行經麥當奴,
見到電視廣告成日賣嘅黑芝麻新地,
又走入去試吓先!


黑芝麻新地又幾好食喎!
D醬有D似芝麻湯圓入面D餡咁呀!

大少本來話食一個軟雪糕就夠,
試完我果杯一啖, 就話要出去買多一杯添!

兔寶寶你攪乜?!
扮花面貓?!

大少, 想收買人心唔係咁做架喎!

兔寶寶:  大家咁熟,
             唔洗招呼我喇, DADDY!