尋日我地返咗大陸呀!
有一間响屋企附近嘅幼稚園講明係呢兩三日先會收報名表,
唔想返嚟先至交,
於是我一早就起身就去幼稚園交表喇!
去到都係八點三, 响門口出面貼住張告示話八點半先開始交表,
於是我就跟响個男人前面等八點半...當然愈來愈多家長跟尾啦!
心諗好彩決定返大陸, 我先會咁神心一早排第二姐.
無幾耐有個校工開門並指示我地行去二樓禮堂報名.
原來已經有十幾名家長排緊!
有無咁誇呀!
我一路排, 後面就不斷有家長來..
以咁嘅速度計, 佢咪收埋收埋好多報名表?!
呢兩年咁多BB出世, 真係擔心究竟夠唔夠學額...
好, 攪掂晒D野,
我就起身摷醒兩父女出發喇~
呀B瞓到成個八月十五向天都要起身喇~
今次只係去兩日, 唔早D起身出發唔夠時間用呢!
兔寶寶揹著水壺, 袋住包餅,
好似準備去野餐咁...不過就明顯唔夠瞓,
雙目浮腫...
我地搭過海巴士去紅磡轉火車.
落咗巴士之後, 通常我們向前行爬樓梯上上面火車站.
今次就意識到向後行係有扶手電梯的..
於是就乘扶手電梯.
當時人不多, 大少推著BB吉車,
而我就拖著兔寶寶等大少先行.
當大少上了扶手電梯幾級,
而我都準備踏步上前之際,
有一個老人(其實又唔係好老, 六七十嵗左右啦)竟然從扶手電梯跌下, 而且係頭先落地!
眼看那老人頭下腳上咁跌了幾級,
我好驚咁倒後, 和後面準備上電梯的人都驚慌不已...
個呀伯由上面跌落地面的話, 唔C條腰都唔洗要喇~
由於只係好快嘅時間,
都不知大少係鬆手有得架BB車向後跌頂係佢安置好架車先了
(後來大少都話自己唔記得)
只見佢飛快跑上托起呀伯雙肩等個頭唔洗受傷...
跟住嘅係大少話俾我知的,
因為條電梯升到去一個我睇唔到嘅位置.
佢話走上去托住呀伯時,
其實都被佢嘅重力推了一下, 幾乎都仆埋落去,
好彩佢夠大隻推返起個呀伯企直,
而個呀伯都只係輕傷...如果真係咁跌落地面就大件事喇~
成個畫面很觸目驚心,
但這件事發生後大少個頭馬上出現了一個光環,
我還是第一次覺得大少很英雄呢!
但也令我深深體會到,
扶手電梯真的很危險.
i agree, escalators are dangerous for children, elderly, and those mainlanders who don't know how to use them
回覆刪除係呀, 好多人掉以輕心, 有D細路仔仲唔識C响上面玩, 睇見都牙煙.
刪除大少好嘢，好彩佢反應快，否則大件事.
回覆刪除果下佢真係跑得好快, 睇住佢由跑上去果一刻開始至接住呀伯, 個呀伯無跌多一級, 身手好敏捷呢!
刪除好在大少頂住阿伯. 我乘電梯, 一定握扶手, 怕唔乾淨, 就凌空, 有事可以近d握住, 安全d好.
回覆刪除我都係呀, 有D電梯好似好耐無抺咁, 我都凌空扶住呀!
刪除Hello, 其實我睇咗你的博客好耐, 從雅虎到Blogspot, 不過從未留言, 但看完此篇文章之後, 真的很想留言讚大少, 單從你的形容已覺觸目驚心, 當看到大少跑前扶起阿伯坐直, 而阿伯因此而只是輕傷, 真的很感動, 真希望香港能有多個像大少的好心人!!
回覆刪除至少都可以在乘搭公共交通工具時讓下坐位給予有需要的人士!!
其實我都估唔到佢會跑上去, 仲要咁敏捷, 因為...哈哈, 佢成日話去跑步, 我都覺得佢係大隻講, 口枉枉的...無想過佢身手咁敏捷.
刪除大少好野，讚讚讚！！
回覆刪除果下佢真係跑得好快, 睇住佢由跑上去果一刻開始至接住呀伯, 個呀伯無跌多一級, 身手好敏捷呢!
刪除