天兔走後的午餐

9月24日  星期二  晴天

呢個天兔真係奇怪啊!
仲以為佢好強勁啦, 
點知大風大雨咗半晚就鬼咁好天...
等我買晒D餸諗住煮乜煮物俾呀大少食.
家下就真係焗住要我煮喇!

尋日晏晝就煲個湯, 煮個餸又一餐.
湯係大風大雨果時瞓唔著煲嘅, 
用湯包煲, 一包已包括晒姫松茸、茶樹菇、雲芝、女貞子、白芍沙參杞子等材料.
愈來愈發覺呢D湯包超方便, 
放塊肉加舊蘿蔔已經好好飲.
在飲食展時買又不貴喎!
一百蚊已經有四五包, 
計埋肉呀蘿蔔粟米呢D都不過三四十蚊,
仲抵過煲青紅蘿蔔湯...

咁早起身唔爭在炆多個餸,
唔係沙嗲, 唔係咖哩, 
係响鏡記麵店買嘅魷魚醬炆.
果樽魷魚醬本來係俾人撈麵食的,
辣辣地超惹味, 於是就想到用來炆餸.

兔寶寶之餐食剩的幾塊牛肉, 
都在汁料裡灼埋來吃了...

加多碟菜, 食返D纖維.

兔寶寶唔食, 要餵公仔,
仲自己拎條毛巾鋪著,
一面餵一面幫公仔抺咀...