3月18日 星期五 陰天
兔寶寶35週今日三點幾起身, 好似好凍咁呀~ 响被窩唔係好想出嚟.....大少已經去咗做gym了.....
大廈部升降機今日做年檢呀.......即係到17:30都無得落街.......
今晚大少的消夜:
西洋菜翠玉瓜煮金菇....
三蚊一扎西洋菜, 留一小部份俾大少, 自己食咗成碟做晚餐....仲抽起一條俾隻龍蝦當水草...三蚊雞, 成家嘅成員都受惠呀~
雲耳煮雞脾仔.....
一包雞全翼, D雞中翼同雞翼尖尋日整咗鹽焗雞翼; 淨返D雞睥仔都係用鹽焗雞粉醃過, 本來都打算焗埋佢, 但今日好想食雲耳, 於是用D蠔油炆.....反正尋日大少都食唔出係鹽焗雞, 炆起D雲耳仲多過雞....
仲淥咗一個"媽咪麵", 見到有特價所以買, 都唔知大少食唔食....連火都懶得開, 求其滾水焗熟佢就算.... 結果, 估中咗, 大少係好鍾意呢D小學生食物嘅....
同場加影: 已經响我地屋企住咗差不多兩個星期嘅龍蝦....
平時佢好生猛嫁! 但每次換水後佢就會哩埋响D石仔到, 一兩粒鐘之後先返出嚟...佢係嬲定係驚呢？
出嚟lu。。。。
沒有留言:
張貼留言