2015聖誕

2016年1月4日  星期一   陰天

話咁快就2016, 聖誕新年假過去, 

今日又要返工返學了.

我這個遲遲的BLOG, 現在才補返聖誕同新年的事!

聖誕前兩星期, 帶呀B提早參加了一個社區中心舉辦的聖誕聯歡會..

呢日我同兔寶寶都好開心, 

因為報名事只以為係燒野食, 

唔知道有咁多野玩!

呢一日係星期六, 上晝我都要返工, 

一點放工趕頭趕命仆去銅鑼灣接返呀B再趕去灣仔!

雖然係頻頻撲撲但真係幾值得!

有遊戲玩, 有野食, 有手工做, 

仲有好多驚喜!

臨尾仲有抽獎!

其實係小朋友都會有獎品!

又有扭扭波...呀B開心到見牙唔見牙...

多謝電訊盈科舉辦是項活動.

******************************

聖誕節總離不開聖誕樹同聖誕老人!

有一個週未特登帶咗兔寶寶去荔枝角, 

打算同佢買返兩條裙, 同行下果度一個新商場D2 Mall.

因為聽聞果個新商場係會有漂雪的...

點知聽D唔聽D...漂雪只限晚上時間!

諗住去香工執返D平衫...

點知宜家賣晒D所謂韓國童裝, 一D都唔平, 

百貨公司價價貨咗要平佢一大折..

呀B睇中條裙, 香工價都要二百幾三百蚊...

唔想空手而回...買咗一條.

最後在D2 Mall影下相留念.

呢條就係果日買的裙仔喇~

2015年年尾大少轉咗新工, 工作性質唔同咗, 

星期六雖然要返半日, 但就放星期日.

而我呢...返埋一月二号, 公司就正式宣佈五日工作喇~

等呢日等到頸都長了!

搬離北角之後, 逢係長週呀B都要返學校延展, 

因為得一兩個小朋友有咁嘅需要, 

唔止呀B唔鍾意, 我都好唔鍾意.

好似要D老師特別返嚟返工咁!

之前有同老細提過...想搵份返五日嘅...

估唔到...佢竟然會轉制! 真係好開心呢!

咁就多咗機會, 好似以前唔洗返工咁, 

一齊去行街街...

行工展會, 買咗好多野, 

主要係湯包, 零食同海味! 

學校聯歡會表演!

**************************************************

有一日聖誕假, 留在家裡整曲奇...

材料是舅父在馬莎買的..

只要很簡單的就把材料預備好了.

有一日出咗去食聖誕午餐...

果朝叫呀B食塊麵包做早餐..

佢竟然同我講:'吓..我要食大餐架喎!!"

因為聖誕大餐是每個小朋友的希望,

而午餐又比晚餐便宜...於是我們吃聖誕午餐.

知慳識儉的媽媽, 

這大餐還是團購的..

團購二人餐, 再另叫了薯皮和橙汁作兔寶寶的消費.

當然, 食物是share吃的.

整蠱做怪的兔寶寶.

甜品叫了朱古力梳乎厘布甸,

 大人就叫了芝士盤.

************************

十二月廿七日, 大人的最後一天聖誕假, 

帶了呀B去看3D Snoopy...

這是呀B第一次正正式式去看電影..

當呀B剛學懂行路, 

曾和大少一起上過一次電影院..可惜, 

看了半場戲就走了.

今次是呀B很久之前要求的, 

要去看"有D野飛出來"的電影, 好似迪士尼果D咁.

於是上網搜尋, 一早就同佢講, 聖誕節會帶佢帶3D Snoopy了.

專登訂了apm的飛, 因為果度商場有史路比的裝飾, 

很有氣氛呢!

其實...我都好耐無睇戲了...

連坐低靜靜地看電視都少...

而且...咁大個女, 我都係第一次自己買飛睇戲~

睇卡通, 又再睇Snoopy....

 

等入場時見到高速火車元氣, 

一睇完戲就去攞定飛, 才施施然行去樓下同Snoopy影相.

影完再等多陣, 好快有得食了.

高速火車送來壽司...小朋友最開心.

氹得呀B歡天喜地.

************

氹完呀B, 就要送佢返屯門..

等到12月31号....由呀婆送佢返來...

就為咗除夕晚同佢睇煙花...