芝腿拼醬多

6月26日  星期四  晴天

尋日大少放假, 

摷佢起身要佢接個女放學...

佢同兔寶寶去食拉麵做下午茶, 

而我响屋企偷得浮生, 

用烘焙紙加煎pan整咗份芝腿多~

兩邊無芝士火腿嘅地方搽咗花生醬!

用易潔鑊雖然係唔痴底, 

但我無搽牛油在麵包上, 

烘得兩烘好易會有D"鑊撈"產生, 

食咗落肚就唔好啦!

加張烘焙紙隔一隔就可以大火D烘, 

唔怕食壞肚!

烘完一面加上芝士...

去超市買一塊未切開的, 可以切厚D.

呵呵~~ 比『厚多士』更吸引的厚芝士~

 烘埋火腿...

另一塊包搽花生醬, 都要烘一烘~~

烘完丟咗張烘焙紙,

隻鑊「郎郎」佢就得!

呢D方型嘅烘焙紙六蚊有五十張, 

好抵玩~

***********************

上次舅父來果時同兔寶寶玩大變身~

跳大繩...

不過有人當係『檻』大繩~~