週一雜記

1月19日  星期日  晴天

某日去飲茶等野食期間, 

大少抱住兔寶寶玩自拍.

呀B平時一見鏡頭就擰歪面 + 收歛笑容,

玩自拍時因為見到自己個樣, 

即時換另一張臉...

兔寶寶好鍾意自己個樣架!

响屋企無論唱歌跳舞定同我玩, 

都好鍾意走埋去塊全身鏡度望下自己當時嘅表情!

嘿嘿, 可能佢似大少, 

有些少自戀狂~~~~ 

呢排多咗去飲茶, 

懶得煮係其中一個原因,

大少可能想慰勞吓我都未定.

等得下午茶開始都兩點鐘, 

所以次次兔寶寶都打晒底LU,

食都係食甜品...

胃口好時, 食完午餐都可以照食大大碗粉.

怪不得兔寶寶嘅身型無因為拉高咗而清減!

 

食芝麻糕.

 隻叉篤完D糕後染咗少少黑色, 

佢話隻叉污糟咗喎!

但又照食可也,

食咗先算, 呢樣野似呀媽~~~