雜記

10月5日  星期六  晴天

今日好忙呀!
一早就去咗一間幼稚園參觀,
我估呢間係名校掛?! 
响三十分鐘嘅講座入面, 
個校長花咗差不多十分鐘時間去同家長做定落選嘅心理輔導...
又話基本上唔出聲內向嘅小朋友機會都唔大..
即係兔寶寶都無乜機會入圍啦!
平時除咗say hello同講bye bye之外,
佢都唔多同陌生人講野嘅...

不過兔寶寶算乖喇~
成個talk都安安靜靜坐响度, 
參觀時又斯斯文文咁...

參觀完學校, 
返屋企休息一個鐘, 食D野,
兔寶寶又要上堂喇~
第一次參加跳舞班,
其實都係唱吓歌做吓動作.
呢個班係唔俾家長陪同嘅,
俾我有時間去買吓餸.
放學時老師話有一刻兔寶寶想喊,
但都無喊到出來, 
評語係話佢好乖, 好聽話...
咁我個心都安樂D.


************************

尋日都有煮午餐俾大少,

用前日剩低嘅瑞士汁, 

加D新材料入去, 再浸多三隻大雞睥.

連埋一碟通菜, 

大少食晒呀!

D雞脾俾我開火又熄火咁浸過幾次,

D肉都化開了, 很容易咀嚼,

兔寶寶一個人都吃了一隻.

*******************************

呢排成日都同兔寶寶响屋企玩泥膠.

佢好鍾意玩架! 

可以坐定定成兩個鐘都係咁玩呢樣野.

唔係無諗過自己煮泥膠, 

不過我估自己煮嘅用來塑型就可以,

要來玩D泥膠機就難D.

買過D次一等嘅泥膠, 

係過唔到部機架! 而且好難清潔呢!

貴少少都要買返奇樂膠.