遊香港公園

10月24日  星期四  晴天

尋日大少放假, 

未知有乜攪作, 有理無理,

去茶餐廳食咗晏先.

大少叫咗份芝麻炸雞薯格, 

擺明係忍仲咳緊嘅兔寶寶姐...

啱啱炸起又熱又熱氣!

有薯格食個衰豬唔吼我碗拉麵添呀~

食完野, 大少提議去香港公園,

早知就唔著裙啦~

池塘入面好多魚!

仲有好多烏龜!

呢幾張相明顯係作狀手指指啦~

之後去咗一處大少形容為世外桃園嘅地方.

呀B好似知呢個世外桃園係九曲十三彎嘅,

打C都唔肯落地行.

去到觀鳥園, 又影相.

先來幾張兩母女斯斯文文嘅;

影吓觀鳥人, 又影吓雀.

再影吓活潑好動嘅人仔.

之後就到小朋友活動時間...

兔寶寶極愛玩鞦韆, 

似足媽咪細個咁.

其他攀高攀低嘅野反而唔多玩.

本來打算參觀埋園內嘅視覺藝術中心,

去到門口先記起有D野無帶要返屋企拎...

為求快捷就叫大少一個人去攞,

我同兔寶寶就去返附近商場逛住等.

等候其間, 兩母女唔少得食吓零食打發時間.