皇室堡Pocoyo

3月31日  星期二  晴天

繼續和兔寶寶二人行.

久未執相, 這篇應該是廿二號那週日的事了.

照往常一樣, 早上去學芭蕾舞.

見那姐姐教得有心, 已經報名參加恆常班了.

跳完舞, 搭巴士走落銅鑼灣.

呢日花卉展開咗, 想走落去帶兔寶寶行吓.

我自己都未去過花卉展, 

有好多野要襯早做, 兔寶寶再大D,

更加唔得閒~

途經皇室堡, 離遠已經見到隻熟悉的粉紅大笨象.

因為人多, 好想側側博當見唔到, 唔想同人迫...

但兔寶寶好眼利, 咁細粒都俾佢望到隻Pocoyo~

呢個卡通佢細個時有睇, 

宜家因為好少時間留在家, 

已經無睇LU~

兔寶寶好有恆心架, 

唔會因為排長龍而放棄...

等完又等先可以坐上船仔影相..

佢已經當咗自己去動物園了~

粉紅大象, 

Sorry, 佢應該係有名的, 

但我真係唔記得...反正呀B都係叫佢做elephant~

無同你去到摩天輪, 

坐住呢隻先啦~

响皇室堡影完相, 

大家都餓餓地, 

行咗過大坑, 兩母女悠悠閒吃個brunch~

呢餐係用團購優惠卷, 

埋單差不多係半價, 很抵呢!

之前同大少嚟過一次, 佢麻麻地LIKE, 

食得唔太盡興.

今次同兔寶寶撐枱腳, 

接受侍應姐姐推介, 反而有驚喜.

炸意大利飯, 最正係個汁,

是芥末醬+ 大量巴馬臣芝士.

唔少得食PIZZA!

仲有tiramisu~

兔寶寶獨吞!

這餐還有特別嘉賓陪伴我們.

後枱的兩隻小狗, 常因為我叫呀B"食快D"而誤會有野分吃....

特別鳴謝牠們

謝謝網友的鼓勵.
事件其實已經發生接近一個月..
夫妻關係不是可以由一個人去維繫的.
或許早在一個月之前, 一年前?! 或更久之前已經有問題.
也許是我不夠溫柔體貼、惡死、獨行獨斷, 不理人感受, 不懂得關心人...令第三者有機可乘.
哭過了, 醉過了, 是時候要面對了.
寫在這不多人睇的blog上, 一方面是舒發感受,
另一方面, 由兔寶寶未出世開始就已經寫blog, 
我不希望報喜不報憂.
有時我會想, 也許我應慶幸這半年來和兔寶寶二人行的實習時間,
比一般失婚女子...也許我比她們更適應孤獨的晚上, 和熱鬧的假期.

沒有吵吵鬧鬧, 沒有一哭二鬧三上吊...
傷心是肯定的, 心像是被淘空了...
勵志的話, 都聽過了, 看過了...
唯一的安慰是兔寶寶從不親她爸爸, 但, 也許這正是大少義無反顧的理由吧?!
我不想多想..