育兒雜記。。。戒片

10月15日 星期二  晴天

星期日這天,

替兔寶寶紥頭髮後心血來潮把前蔭大刀一揮剪短...

由於夠快手, 呀B零知覺, 自然無投訴啦!

 還有就是襯這長週未恨下決心同佢戒片了.

其實很多同齡的幼兒已經戒咗日片, 

有D甚至連日夜片都戒甩..

只是之前佢坐坐吓potty又扭住唔肯坐, 

咁先至無逼佢.

上星期五老爺來時吩咐我一定要在今個月之內幫佢戒咗日片, 

否則天氣寒冷時就更不用戒了.

等老爺走咗之後我就即時行動幫佢"戒片", 

那半天我洗了四條褲子...

當時我仲諗應該有排先戒到,

因為...都唔知話兔寶寶皮膚太唔敏感吖, 

定係佢性格太過隨遇而安喇!

基本上佢由初生開始就唔會因為條片濕又或者開咗大而出聲(或者喊)嘅...

試過幾次連條褲都濕晒, 唔係我摸到佢濕都唔會出聲,

可以照食、照玩、照瞓.

之後我想起曾在父母網站看個有媽媽建議開頭索性唔好俾BB著褲, 

因為低敏感的幼童可能會當條褲係尿片.

於是在第二天訓練我就由得兔寶寶光著屁股留在家.

家徒四壁有家徒四壁的好處,我家沒有名貴的家具,

只要把房門關上, 

再把她平時坐開的小櫈子都消毒乾淨就可以了.

如此這般第二、三天訓練在家都無穿尿片(除了睡覺時),

不過我精兔寶寶`都唔笨, 

因為我恐嚇過佢再賴尿就打屁股...

佢就將個potty當櫈仔坐;

幸好到假期的最後一天, 也就是兔寶寶踏入兩嵗半的日子,

她總算懂得"急了"才要坐廁所,

看見她正在玩耍, 忽然咚咚咚的跑去小坐廁上解決, 

真的很開心.

*****************************

星期日獨自帶了兔寶寶到SOGO逛,

回程時經過修頓球場, 

正在舉行"修頓書展"..

 之後到大快活食個茶餐先返屋企,

係呀, 宜家出街仲要用尿片, 

頭兩天條片去完街返來都仲係濕嘅, 

到第三天去完街返屋企條片還是乾爽的,

回家替她除褲除片後還立刻上廁所呢!